Recent Articles

පුරුෂ ජන්මානුවේ අපි නොදන්න රහස්.

වඳ බව ගැන ලොකු කතාබහක් පහුගිය කාලේ ඇති වුණා. වඳ බවත්, සරු බවත්  පුරුෂයන් තුළ රඳා පවතින්නේ පුරුෂ ජංමානුව හෙවත් ශුක්‍රාණුවක සතු ජීවය සහ අසීරු තත්ත්ව යටතේ රඳා පවතින්නට එයට ඇති ශක්තිය මතයි. කාන්තාවකගේ ශරීරය තුළදී එක් ශුක්‍රාණුවකට දින පහක් පමණ ජීවය රැකගන්නට පුළුවන්කම තිබෙනවා. ඒ වගේම, ඇතැම් පුද්ගලයන්ගේ සිතේ දැවෙන ප්‍රශ්නයක් ද වන්නේ ශුක්‍රාණුවකට කාන්තා ශරීරයක පිටත කොපමණ කලක් ජීවත් විය හැකිද යන්නයි.

අනවශ්‍ය ගැබ් ගැනීම්වලින් ආරක්‍ෂා වීමටයි මේ කරුණ ගැන දැන ගැනීම වැදගත් වන්නේ. ඇත්තවශයෙන්ම ශරීරයකින් පිටත (බාහිර වස්තුවක් මත) වැඩි කලක් එහි  ජීවයක් පවතින්නේ නෑ. එයට හේතුව වන්නේ බාහිර පරිසර තත්ත්ව විසින් ක්‍ෂණිකව ශුක්‍රාණුවෙහි ජීවය විනාශයට පත් කිරීමයි.

ශුක්‍රාණුවෙහි ජීවය වැඩි කලක් පැවතීමට විවිධ හේතු බලපානවා. උදාහරණයක් ලෙස ශුක්‍රාණුවෙහි ගුණාත්මක බව සහ ශුක්‍රාණුව පතිතව ඇති මතු පිටෙහි උෂ්ණත්වය වැනි කරුණුයි.

පුරුෂයෙක් තම ලිංගික සෞඛ්‍යය සහ තම ශරීර සෞඛ්‍යය පිළිබඳව සැළකිලිමත් වන තරමටම ඔහුගේ ශුක්‍රාණුවල ජීව කාලය රඳා පවතිනවා. උදාහරණයක් ලෙස පෝෂණය සපිරි ආහාරවලට හුරැ වීම, ඇල්කොහොල් සහ දුම් පානයෙන් වැළකීම, නිසි ව්‍යායාම වැනි කරැණු හඳුන්වා දෙන්නට පුළුවන්.

කාන්තාවකගේ ශරීරය තුළ ශුක්‍රාණුවක ජීව කාලය කොපමණද? 

පුරුෂයකු විසින් කාන්තාවකගේ යෝනිය තුළට ශුක්‍රානු මුදා හැරීමේදී ශුක්‍රාණු මිලියන සියයක් පමණ ඇතුළු වනවා. මේ කෙසේ වෙතත් මෙයින් ශුක්‍රාණු කිහිපයක් පමණයි දිගු ආයු කාලයක් පවත්වා ගෙන කාන්තාවකගේ පැලෝපීය නාලය තුළට ගමන් කර ඩිම්බයක් සමග සංසේචනය වන්නේ.

“Clinical Investigation” සඟරාවේ පළව තිබූ වාර්තාවකට අනුව සඳහන් වන්නේ කාන්තාවකට ගර්භනී වන්නට ශුක්‍රාණුවක් සතු  ශක්තිය විවිධ ආකාරයට බලපාන බවයි.


එම කරුණුවලින් වැදගත්ම කරුණු කිහිපයක්  නම්, 

කාන්තාවකගේ යෝනිය තුළට ගමන් කරන ශුක්‍රාණුවකට ඩිම්බය ඇති නිවැරදි පැලෝපීය නාලය තෝරා ගන්නත් එම ඩිම්බය පෝෂණය කරන්නත් ශක්තිය අවශ්‍යයි.

පැලෝපීය නාලය තුළින් ඩිම්බයක් පැමිණෙන තුරු පැලෝපීය නාලයේ බිත්තිය මත රැඳී සිටීමටත් ශක්තිය අවශ්‍යයි. 

කාන්තාවකගේ ඔසප් චක්‍රය සමයේදීත් ශුක්‍රාණුවකට කාන්තාවගේ ශරීරය තුළ දිවි ගෙවීමට හැකියාව තිබෙනවා. ඒ කළින් සඳහන් කළ ආකාරයටම ශුක්‍රාණුවකට දින පහක කාලයක් සජීවී තත්ත්වයෙන් සිටිය හැකි නිසයි.

කාන්තාවකගේ ඔසප් චක්‍රය සිදුවන දින ගණන ඇතැම් අවස්ථාවන් අනුව වෙනස් වන්නට පුළුවන්. ඒ කාලයේ වහනය වන රුධිරය මඟින් ගර්භනීභාවයට කිසිම බාධාවක් ඇතිවන්නේ නෑ. ඩිම්බ නිකුත් කිරීම වන සමයේදී ලිංගිකව එක්වීම මඟින් ගර්භනී වීමේ වැඩි සම්භාවිතාවයක් ඇති බව හොඳින් මතකයෙහි තබා ගන්න.

කාන්තාවකගේ ශරීරයෙන් පිටත ශුක්‍රාණුවක ජීව කාලය කොපමණද ?

කාන්තාවකගේ ශරීරයෙන් පිටත පරිසරය ශුක්‍රාණුවකට ජීවය රුක ගැනීමට අවස්ථාව නොදුන්නත් ලිංගිකව එක් වීමකින් තොරව ඇතිවන ගැබ් ගැනීම් පිළිබඳව ඔබ මීට පෙර අසා තිබෙන්නට පුළුවන්.

ලිංගික සංසර්ගයකින් තොරව කාන්තාවක් ගර්භනී කිරීමට තරම් ප්‍රමාණවත් ජීවයක් කාන්තාවකගේ ශරීරයෙන් පිටත පරිසරයේ දීත් ශුක්‍රාණුවකට රැක ගන්නට පුළුවන්. (මෙය සුළු වෙලාවක් පමණයි) එක්සත් රාජධානියේ ජාතික සෞඛ්‍යය සේවය වාර්තා කරන ආකාරයට මෙවැන්නක් සිදුවිමේ සම්භාවිතාවක් තිබෙනවා. 

උදාහරණයක් ලෙස කාන්තාවක් පුරැෂයකු සමඟ ලිංගිකව එක් නොවී විවිධ ලිංගික ක්‍රියාකාරකම්වල නිරත වීමේදී පුරුෂ ශුක්‍රානු තැවරුණු ඇඟිලි මගින් යෝනිය ස්පර්ශ කිරීමෙන් පවා එම කාන්තාව ගර්භනී වන්නට පුළුවන්.

කාන්තාවකට ගර්භනී වන්නට සෞඛ්‍යය සම්පන්න ශුක්‍රාණු.

සරු හෙවත් සෞඛ්‍යය සම්පන්න ශුක්‍රානු සතුව ඇති මෙම ලක්‍ෂණ අනුව ඒවා හඳුනා ගත හැකියි. 

ප්‍රමාණය : කාන්තාවකට නිසි ලෙස ගර්භනී වීමට නම් ඩිම්බය පෝෂණය කිරීමට තරම් ප්‍රමාණවත් ශුක්‍රාණු සෛල වැඩි ප්‍රමාණයක් තිබීම අවශ්‍ය වනවා.

ක්‍රියාකාරීත්වය : කාන්තාවගේ පැලෝපීය නාලය ඔස්සේ දිගු දුරක් ශක්තිමත්ව දඟර දමමින් පිහිනීමේ හැකියාව ශුක්‍රාණු සතු විය යුතු වනවා.

ව්‍යුහය : පැලෝපීය නාලය ඔස්සේ ගමන් කර ඩිම්බය පෝෂණය කළ හැකි අණ්ඩාකාර හිසක් සහ දිගු වලිගයක් ශුක්‍රාණුවක් සතු විය යුතු වනවා.

ඩිම්බ නීකුත් වීමෙන්  පසුව පැය 12 – 14 ත් අතර කාලයක් ඇතුළත ඩිම්බය පෝෂණය විය යුතු වනවා. එයින් අදහස් වන්නේ දරු සම්පතක් ලැබීමට නම් එම කාලය වෙද්දී පැලෝපීය නාලය තුළ සවිමත් ශුක්‍රාණුවක් තිබිය යුතු වීමයි.
කාන්තාවකගේ ශරීරයේ හෝමෝන අසමතුලිතතාවයක් ඇත්නම් ඩිම්බ නිකුත් වීමේ නිසියාකාරව සිදු නොවනවා.“progesterone”හෝමෝනය කාන්තාවකගේ ශරීරය තුළ නිසි පරිදි තිබෙනවා නම් එම කාන්තාවට ලෙහෙසියෙන්ම ගර්භනී වන්නට පුළුවන්.

කාන්තාවකට ගර්භනී වන්නට නම් ශුක්‍රාණු සෛල කොපමණ තිබිය යුතුද ?

ඇත්තවශයෙන්ම මේ සඳහා එක් සරැ ශුක්‍රානු සෛලයක් පමණ තිබීමත් ප්‍රමාණවත් වනවා. ශුක්‍රානු සෛල වැඩිපුර තිබී මඟින් සිදු වන්නේ ගර්භනීභාවයට පත්වීමේ සම්භාවිතාව වැඩි වීමයි.

ශුක්‍රාණුවක ජීව කාලය වර්ධනය කර ගන්නේ කෙසේද ?

ශුක්‍රානුවක ජීව කාලය ස්වභාවිකවම වර්ධනය කරගන්නට වෛද්‍යවරුන් විසින් නිර්දේශ කරනු ලබන ක්‍රමවේද කිහිපයක් තිබේ.

සෞඛ්‍ය සම්පන්නව සිටින්න.

සමබල ආහාර වේලක් ලබාගෙන ක්‍රියාශීලී සහ සෞඛ්‍යය සම්පන්න දිවි පෙවෙතක් ගත කිරීම මඟින් කායික සෞඛ්‍යය වර්ධනය වනවාට අමතරව පුරුෂ ශුක්‍රානුවල සෞඛ්‍යයත් වර්ධනය කරගන්නට පුළුවන්.

දවසින් වැඩි කාලයක් එක ස්ථානයකට වී රූපවාහිනී ආදිය නරඹමින් ක්‍රියාශීලි නොවන පුද්ගලයන්ගේ ශුක්‍රානු ක්‍රියාශීලී පුද්ගලයන්ගේ ශුක්‍රානුවලට වඩා ශක්තිමත් නොවන බව සොයාගෙන තිබෙනවා.

ශුක්‍රානුවල වර්ධනය වැඩි කරවන ආහාර වර්ග ලෙස මත්ස්‍යයින්, කුකුල් මස්, පළතුරු, එළවළු, ධාන්‍ය සහ රනිල බෝග අහාරයට ගැනීම ඉතාමත් වැදගත් වනවා.

ඇල්කොහොල් අඩුවෙන් පානය කිරීම.

ශුක්‍රානුවල ජීව කාලය වර්ධනය කර ගන්නට සිදුකළ හැකි තවත් ක්‍රියාවක් වන්නේ පිරිමි පුද්ගලයකු විසින් පානය කරනු ලබන ඇල්කොහොල් ප්‍රමාණය අඩු කිරීමයි. ඇල්කොහොල් පානය කරන ප්‍රමාණයට වඩා ඇල්කොහොල් පානය කරනු ලබන වාර ගණන ශුක්‍රාණු දුර්වල කරනු ලබනවා.

සතියකට වාර දෙකක් හෝ තුනක් ඇල්කොහොල් පානය කරන පුද්ගලයින්ට වඩා සතියේ සෑම දිනකම ඇල්කොහොල් පානය කරන පුද්ගලයන්ගේ ශුක්‍රාණු දුර්වල වන බව ඩෙන්මාර්කයේදී සිදුකරනු ලැබූ අධ්‍යයනයක් මඟින් සොයාගෙන තිබෙනවා.

මානසික ආතතිය දුරලීම

මානසික ආතතිය දුරු කරගැනීම මඟිනුත් ශුක්‍රාණුවල ගුණාත්මකභාවය වර්ධනය කර ගන්නට පුළුවන්. ශාරීරික ආතතිය මඟින් සාමාන්‍ය ශරීරයට සෘණාත්මකව බලපාන අතර මානසික ආතතිය වැඩිවීම මඟින් ශුක්‍රාණුවල සෞඛ්‍යයට හානි සිදුවනවා.

“Columbia” සරසවිය විසින් සිදු කරන ලද එක්තරා අධ්‍යයනයක් මඟින් කරුණු දක්වන ආකාරයට මානසික ආතතියක් ඇතිවීමේදී ශරීරය විසින් නිපදවනු ලබන හෝමෝන මඟින් ටෙස්ටොස්ටෙරෝන් වැනි හෝමෝනවල නිපදවීම අඩපන කර ශුක්‍රාණුවල ගුණාත්මකභාවය අඩු කරනු ලබනවා.

මේ අධ්‍යයනය විසින් කරුණු දක්වන ආකාරයට වෘත්තීය වශයෙන් ඇතිවන මානසික ආතතියට වඩා ජීවිතයේ ඇතැම් සිදුවීම් නිසා ඇතිවන මානසික ආතතිය වඩාත් සෘණාත්මක ලෙස බලපානු ලබනවා.

දුම්පානයෙන් වළකින්න.

ශුක්‍රානුවල දුර්වලතාවය කෙරෙහි දුම්පානය කිරීමත් වඩාත් අහිතකර ලෙස බලපානවා.

මෙයට හේතුව වන්නේ දුම්පානය කිරීම මගින් ශුක්‍රානු සෛල මගින් ඩිම්බය පෝෂණය කිරීම දුර්වල කරවීමයි. ඩිම්බය පෝෂණය වුවත් මෙවන් තත්වයකදී ගර්භපාතය “miscarriage” වැනි තත්ත්වයන් ඇතිවන්නට පුළුවන්.

ශුක්‍රාණුවල සෞඛ්‍යය සම්පන්න බව වර්ධනය කර ගන්නට අතිරේකයන්…

ශුක්‍රානුවල සෞඛ්‍යය වර්ධනය කරන විවිධ අතිරේක ඖෂධයන් තිබෙනවා. උදාහරණයක් ලෙස ෆෝලික් අම්ලය සහ සින්ක් වැනි සංයෝගයන් අඩංගු වන අතිරේකයන් විසින් ශුක්‍රානු ප්‍රමාණය වර්දධනය කරනු ලබනවා.

75%ක පමණ ප්‍රතිශතයක් එවන් ඖෂධ ලබාගෙන තම දරුඵල අවශ්‍යතාවය ඉටු කරගෙන ඇති බව විද්‍යාඥයන් විසින් සොයාගෙන තිබෙනවා.

මෙවන් ඖෂධ ලබා ගැනීමේදී වෛද්‍ය උපදෙස් මත පමණක් සිදු කරන්න. 

  සුගත් 

This is the one and only positive sex educational website in sri lanka and written in Sinhala language

බහුලම ලිංගික රෝග 5ක් හඳුනාගනිමු.


මාරාන්තික ලිංගාශ්‍රිත රෝගයන්ට ගොදුරුවන්නන්ගේ ප්‍රමාණය දින දින සීඝ්‍ර ලෙස වැඩි වී ඇති බව වාර්තා වේ. රෝහල් ආරංචි මාර්ග සඳහන් කරන ආකාරයට වසරකට එච්.අයි.වී. (ඒඩ්ස්) ඇතුළු සමාජ  රෝග නැතිනම් ලිංගික රෝගවලට ගොදුරු වන්නන්ගේ ප්‍රමාණය 6000කට ආසන්නය.

ලිංගික රෝගයන්ට ගොදුරැ වන්නන් අතර වයස අවුරුදු 25 - 49 වයසේ පසුවන කාන්තාවන් සහ වයස  අවුරුදු 15 සිට අවුරුදු 50 දක්වා වයසේ පසුවන පිරිමින් වැඩිපුර වාර්තා වෙන බව වාර්තාවේ. 

මේ නිසා එච්.අයි.වී (ඒඩ්ස්) රෝගය හැර බහුලව වාර්තා වෙන රෝග කිහිපයක් ගැන විස්තර දේශය පාඨක ඔබ වෙත තිලිණ කිරීමටයි මේ උත්සාහය. බහුලම ලිංගික රෝග 5ක් ලෙස,

ගොනෝරියා (සුදු බිංදුම), ලිංගික හර්පිස්, උපදංශය (සිපිලිස්), ලිංගික ඉන්නන් සහ ක්ලැමීඩියා හඳුන්වන්න පුළුවනි. මෙම රෝග සියල්ලක්ම පාහේ ඇතිවනුයේ අනාරක්ෂිත ලිංගික සම්බන්ධතාවලින් බව මතක තබා ගන්න. 

01 - ක්ලැමීඩියා

ක්ලැමීඩියා ට්‍රයිකොමොනාලිස් නම් බැක්ටීරියා මගින් පැතිරෙන මෙම රෝගය, රෝගය සහිත කෙනෙකු සමඟ යෝනි, ගුද, මුඛ සංසර්ගයේ යෙදීමෙන් බෝවේ.

රෝග ලක්ෂණ

ආසාදිතයකු හා ලිංගික කාර්යයේ යෙදී දින හතක් විසි එකක් අතර කාලයේදී රෝග ලක්ෂණ මතුවේ.

ස්ත්‍රීන්ගේ යෝනි ශ්‍රාවයක් ගැලීම හෝ ඔසප් වාර අතර යෝනියෙන් ලේ යෑම.

මුත්‍රා කිරීමේදී දැවිල්ල ඇතිවීම

මුත්‍රා පිටවීම

උදර ප්‍රදේශයේ වේදනාව

ඇතැම්විට උණ සහ ඔක්කාරය

මේ රෝගය නිසා ස්ත්‍රී පුරුෂ දෙපාර්ශවයම වඳභාවයට පත්විය හැක.

ක්ලැමීඩියා රෝගයට ගොදුරු වූ මවකට උපදින දරුවාට ද එය බෝවිය හැක. ලිංගික සහකරුට හෝ සහකාරියට රෝගය බෝවන බැවින්, රෝගය හඳුනාගෙන ප්‍රතිකාර සඳහා යොමු වීම ඉතා වැදගත්ය.

02 - හර්පීස් 

හර්පීස් කම්ප්ලෙක්ස් වෛරසය මඟින් පැතිරෙන හර්පීස් රෝගය නිරෝගී කෙනෙකුට බෝවීනම සිදුවන්නේ යෝනි, ගුද හෝ මුඛ සංසර්ගයෙහි යෙදීමෙනි. 

කලාතුරකිකන් ස්පර්ශය හේතුවෙන්ද බෝවීමේ අවදානමක් ඇතිවිය හැකිය. 

රෝග ලක්ෂණ

(ආසාදිතයකු සමඟ සංසර්ගයේ යෙදී දින 1 – 30 අතර රෝග ලක්ෂණ මතුවිය හැක.)

ලිංගේන්ද්‍රය මතුපිට ඇතුළත හෝ මුඛයේ ඉතා වේදනාකාරී කුඩා දිය බිබිළි මතුවිය හැක.

ඒවා මතුපිට කැසීම හෝ දැවිල්ල ගතියක් දැනේ.

මෙම දිය බිබිළි සති එකත් තුනක් අතර කාලයක් පවතී.

උණ

වසා ගැටිති ඉදිමීම හෝ වේදනා දීම

හර්පීස් නිට්ටාවටම සුව කළ නොහැකියි. වෛරසය සිරුර තුළ පවතින බැවින් වරින් වර බිබිළි මතුවිය හැකියි.

රෝගය හටගන්නාවිට දරුවකු කුස පිළිසිඳගෙන සිටිය හොත් උපදින දරුවාට මොළේ උණ සෑදිය හැක. 

03 - ගොනෝරියා/ සුදු බිංදුම

බැක්ටීරියාවක් මඟින් ඇතිවෙන ගොනෝරියා රෝගය ගොනෝරියා සහිත අයකු සමඟ මුඛ හෝ ගුද සංසර්ගයේ යෙදීමෙන් බෝ විය හැක. මෙම බැක්ටීරියාව ගැබ් ගෙල, මුත්‍රා නාල, ගුද මාර්ගය, උගුර සහ ඇසෙහි සිවිය ආදියට ආසාදනය වීමේ වැඩි ඉඩක් ඇති බව වෛද්‍ය විද්‍යාත්මකව පෙන්වා දී තිබේ.

රෝග ලක්ෂණ

(ආසාදිතයකු සමඟ ලිංගික කාර්යයේ යෙදී දින (2-21) අතරදී රෝග ලක්ෂණ මත්වේ.)

ස්ත්‍රීන්ට යෝනියෙන් කහ හෝ සුදු පැහැ ශ්‍රාවය පිටවේ.

මුත්‍රා කිරීමේදී හෝ මළපහ කිරීමේදී දැවිල්ල හෝ වේදනා සහිත බව.

අස්වාභාවික ඔසප් වීම

ඔසප්වීම අතර ලේ පිටවීම

යටි බඩ වේදනාව

කෙණ් ඩ පෙරලීම

ගොනෝරියා රෝගයට ගොදුරු වන පුරුෂයන්ට ශිශ්ණයෙන් කහ හෝ සුදු ශ්‍රාවයක් පිටවීම, මුත්‍රා කිරීමේදී දැවිල්ල හෝ වේදනාවක් දැනීම, නිතර නිතර මුත්‍රා කිරීමට අවශය වීම වැනි රෝග ලක්ෂණ මතුවේ.

ප්‍රතිකාර නොගැනීමෙන් විය හැකි ප්‍රතිඵල

වඩා තදබල ආසාදන ඇති කළ හැකිය.

ප්‍රජනන ඉන්ද්‍රියන්ට හානි පමුණුවයි.

ස්ත්‍රී පුරුෂ දෙපාර්ශවයටම දරුඵල නැතිවිය හැකිය.

ගොනෝරියා සහිත මවක් නිසා දරු ප්‍රසූතියේදී දරුවාගේ ඇසෙහි යෝනි තරල තැවරීමෙන් දරුවාට අන්ධභාවය ඇතිවිය හැක.

04 - සිපිලිස්

ට්‍රෙපෙනිමා පැලිඩම් නැමැති බැක්ටීරියා විශේෂය මඟින් පැතිරෙන සිපිලිස් රෝගය සහිත අයකු සමඟ යෝනි, මුඛ හෝ ගුද සංසර්ගයේ යෙදීමෙන් පැතිරෙයි. මෙහි රෝග ලක්ෂණ අවධි තුනක් යටතේ රෝග ලක්ෂණ ඇතිවේ.

මුල් අවධිය - ආසාදිතයකු සමඟ ලිංගික කාර්යයේ යෙදී දින නවයත් අනූවත් අතර රෝග ලක්ෂණ මතුවෙයි. මුඛයේ, ලිංගේන්ද්‍රයේ, පයෝධර හෝ ඇගිලිවල වේදනා රහිත රත් දුඹුරු තුවාලයක් හෝ තුවාල, ඉකිලිවල වසා ගැටිති ඉදිමීම මෙහි රෝග ලක්ෂණ අතර වේ.

තුවාලය සති එකත් පහත් අතර පවතී. තුවාලය සුව වුව ද ආසාදිතයා රෝගයෙන් පෙලේ.

පළමු අවධියේ දී නිසි ප්‍රතිකාර නොලද විට සති හයකට පමණ පසු රෝගය දෙවන අවධිය කරා යනු ලැබේ. මේවන විට ද්විතීක රෝග ලක්ෂණ මතුවේ.

ශරීරයේ ඕනෑම තැනක හමේ පලු ඇතිවේ. මෙය මුහුණ, ඇඟ, අත්ල, පතුල පිට ආදි ආදි අවයවවල වැඩිදුර දැකිය හැකිය.

05 - ලිංගික ඉන්නන්

හියුමන් පැපිතලෝමා වෛරසය මඟින් ඇතිවෙන රෝගය ලිංගේන්ද්‍රියේ ඉන්නන් සහිත කෙනෙකු සමඟ යෝනි, මුඛ හෝ ගුද සංසර්ගයේ යෙදීමෙන් බෝවේ.

රෝග ලක්ෂණ

ආසාදිතයකු සමඟ ලිංගික කාර්යයේ යෙදී මාසයත්, මාස අටක් හෝ අවුරුදු කිහිපයක් අතරේදී රෝගී ලක්ෂණ මතුවේ.

ලිංගේන්ද්‍රියේ සහ ගුදයේ උඩට නෙරා ගිය කුඩා ඉන්නන් ඇතිවන අතර ඒවා නොවැටී පවතී. ලිංගේන්ද්‍රියේ අවට කැසිල්ලක් හෝ දැවිල්ලක් පවතී.

ඉන්නන් වැටුණු පසු ද වෛරසය ශරීරයේ පවතී. යළි යළිත් ඉන්නන් මතුවිය හැකිය.

ප්‍රතිකාර නොගැනීමෙන්

ඉන්නන් වැඩි වී ඉවත් කිරීම අපහසු වේ. ආසාදිත මවකගෙන් ප්‍රසූතියේදී දරුවාට බෝවිය හැකිය.

ගැබිගෙල පිළිකාවන්ට මුල පෑදිය හැකිවේ.

සැළකිය යුතුය.

ලිංගික රෝග ගොදුරු වන බොහෝ රෝගීන් රහස්‍යභාවය හෙළිවේ යැයි සිතා ප්‍රතිකාර සඳහා යොමු වන්නේ නැත.

නමුත් එලෙස රෝගය සඟවාගෙන සිටීම තවත් රැසකට අත වැනීමක් සේම, සමාජය පුරා පැතිරීමට බලපාන කරුණක් විය හැක. ඉහත රෝග ලක්ෂණයන් දුටු වහාම සුදුසුකම් ලත් වෛද්‍යවරයකු වෙත ප්‍රතිකාර සඳහා යොමු වන්න.

(ජාතික ලිංගාශ්‍රිත රෝග මර්දන ඒකකය)

This is the one and only positive sex educational website in sri lanka and written in Sinhala language

ලිංගික පහස අතහැරීමත් ලෙඩ ගොඩකට හේතුවක්.


ලිංගික ආශාව  ඇතිවීම මෙන්ම නිවැරදි සංසර්ගය නිරෝගි බවේ ලකුණක්. නමුත් දිගින් දිගටම සම්බන්ධතා නොපැවැත්වීම රෝග රැසකට මගපෑදිය හැකියි. මෙන්න ඉන් කිහිපයක්.

ස්ත්‍රි ප්‍රජනන මාර්ගයේ තරමක තද ගතියක් ඇතිවිය හැකිය

ඔබ කාන්තාවක් නම් ලිංගික පහස නොලබා දිගු කලක් සිටින විට ඔබේ යෝනි මාර්ගයේ මාංශ පේශී තරමක් තද ස්වරූපයක් ගනු ලබනවා. මේ සිද්ධිය සිදුවන්නේ සංසර්ගයේ නොයෙදෙන නිසා යෝනි මාර්ගයේ ඇති මාංශ පේශීහට ලිහිල් වීමේ ක්‍රියාවලිය සිදුවීමට අවස්ථාවක් නොලැබෙන නිසයි. මේ නිසා ඔබට සුළු වේදනාවක්ද ඇති වන්නට පුළුවන්. නමුත් ඔබ නැවතත් ලිංගික පහස ලබන්න සුදානම් වූ විට ඉතා ඉක්මනින් මේ මාංශ පේශී ලිහිල් වන්න පටන්ගන්නවා.

පිරිමි පුද්ගලයින්හට ප්‍රාණවත් නොවීමේ ගැටලු ඇති විය හැකිය

දිනපතා ලිංගික සංසර්ගයේ නොයෙදෙන පිරිමි පුද්ගලයින්හට දිනපතා ලිංගිකව එක්වන පිරිමි පුද්ගලයින්ට වඩා ශිෂ්ණය ප්‍රාණවත් නොවීමේ ගැටලුවලට මුහුණ දෙන්නට සිදුවිය හැකියි. පිරිමි පුද්ගලයෙක් දිනපතා ලිංගික සංසර්ගයේ යෙදෙනවා නම් ශිෂ්ණයේ මාංශ පේශී ප්‍රාණවත් වී දිගු කලක් ශිෂ්ණය ප්‍රාණවත්ව තබාගන්නට පුළුවන්කම තිබෙනවා.

ප්‍රතිශක්තිකරණ පද්ධතිය කඩා වැටේ

ලිංගික ක්‍රියාකාරිත්වය ප්‍රතිශක්තිකරණ පද්ධතිය වේගවත් කරන බව විවිධ අධ්‍යයන මගින් තහවුරු කර තිබේ.  ලිංගිකව එක් නොවුනත් ස්වයංවින්දනයේ නිරත වනවා නම්  ප්‍රතිශක්තිකරණ පද්ධතිය නිසියාකාරව පවත්වාගෙන නිතර වැළඳෙන කැස්ස සෙම්ප්‍රතිශ්‍යාව වගේ රෝගවලින් ලේසියෙන්ම ආරක්‍ෂා විය හැකි බව වාර්තා වී ඇත.

ලිංගික ආශාව අතුරුදන් වෙයි

මෙය විවිධ මතවාදවලට ලක්ව තිබෙන මාතෘකාවක්. ඇතැම් විශේෂඥයන් පවසන්නේ දිනපතා ලිංගිකව එක්වීම මගින් අති මහත් ලිංගික ආශාවක් පවත්වා ගන්නට හැකි වන බවයි. ලිංගිකව එක්නොවී වැඩිකලක් සිටීම මගින් මේ ලිංගික ආශාව තරමක් අඩු වී යන බවටයි විවිධ පුද්ගලයින් කරුණු දක්වන්නේ. නමුත් මෙය එකිනෙකාට වෙන්වුණු පෞද්ගලික කරුණක්.

මානසික ආතතිය ඉහළ යයි 

මානසික ආතතිය දුරුකරගන්නට ඇති හොඳම මගක් තමයි ලිංගික පහස ලැබීම. ඔබත් නිතරම වාගේ ලිංගිකව එක්වනවා නම් මානසික ආතතිය නිසා ඔබට ඇතිවන අධි රැධිර පීඩනය පවා දුරුකරගෙන ආතතියකින් තොරව වඩා සාර්ථකව වැඩ කටයුතු කරගන්නට හැකියාව  ලැබෙයි.

හදවත් රෝග 

ඔබ දිනපතා ව්‍යායාම සිදුකරන පුද්ගලයෙක් වුවත් ලිංගිකව එක්වීම එයටත් වඩා ඔබේ ශරීරය මනාව සෞඛ්‍යය සම්පන්න කරනු ලබනවා. ලිංගික පහස ලැබීමෙදී මුලු සිරුරට ලැබෙන ව්‍යායාමය මෙන්ම එහිදි සිදුවන හෝමොන ක්‍රියාකාරිත්වය ඔබේ හදවත් සෞඛ්‍යයත් වර්ධනය කරන නිසා ඒ ආශ්‍රිතව ඇතිවන රෝගවලිනුත් ලෙහෙසියෙන්ම ගැලවෙන්නට පුළුවන්.

This is the one and only positive sex educational website in sri lanka and written in Sinhala language

පරණ pad එකට bye කියමුද?


ලෝකයේ කාන්තාවන් මාසයකට වරක් මුහුණ දෙන ප්‍රධාන ප්‍රශ්නයක් වන්නේ වැඩි උරා ගැනීමක් සහිත සෞඛ්‍යාරක්ෂිත සනීපාරක්ෂක තුවා වර්ගයක් තෝරාගැනීමයි. නමුත් එම සනීපාරක්ෂක තුවාවල ප්‍රමිතිය සම්බන්ධව යොමුවන අවධානය ඉතා අඩුයි.

මෙම සනීපාරක්ෂක තුවා බොහෝවිට නිෂ්පාදනය කර තිබෙන්නේ ප්ලාස්ටික්, කෘතීම සුවඳ විලවුන් යොදාගෙනයි. ඒවගේම මාසයෙන් මාසය ඒ වෙනුවෙන් වන වියදම් කිරීමට සිදුවෙනවා. මේවා දිගු වෙලාවක් හැඳ සිටීමත් අපහසුයි.

ඊට අමතරව මෙම සනීපාරක්ෂක තුවා නිසිපරිදි බැහැර කිරීම, ප්‍රතිචක්‍රීයකරණය අද ලෝකය මුහුණ දෙන විශාල ප්‍රශ්නයක්.

අපි බොහෝ දෙනෙක් නොදැන සිටියත් ලෝකය දැන් ඒ සඳහා විසදුම් කිහපයක් නිර්මාණය වී තිබෙනවා. ඒ අතරින් ඉතා සාර්ථක විසදුමක් වන්නේ නැවත පාවිච්චි කළ හැකි සනීපාරක්ෂ තුවා (Reusable Pads) භාවිතයයි.

Pads එක්ක එන ලෙඩ

ඇමරිකාවේ පමණක් එක කාන්තාවක් සිය ජිවිත කාලය තුළ සනීපාරක්ෂක තුවා 17000ක් පමණ භාවිතා කරනවා.

මෙහි තිබෙන වඩා භයානකම කාරණය වන්නේ සනීපාරක්ෂක තුවා නිෂ්පාදනයට යොදාගන්නා අමුද්‍රව්‍ය පිළිබඳ හෙළි නොකිරීම. එයට හේතුව වන්නේ මේවා වෛද්‍ය උපකරණ ගණයට අයත් ද්‍රව්‍ය ලෙස නොගැනීමයි. මේවා නිෂ්පාදනයේදී අවධනය යොමුකරන්නේ උපරිම උරාගැනීමේ හැකියාවක් සහිත ද්‍රව්‍ය යොදාගැනීම සඳහා පමණි. සාමාන්‍ය සනීපාරක්ෂක තුවා පිළිස්සීමේදී කළු පාට දුමක් දුර්ගන්ධයක් හා පිලිස්සී අවසානයේ ඉටි වැනි ද්‍රව්‍යක් ඉතුරුවන බව දක්නට ලැබේවි.

මෙයින් පැහැදිලිවන්නේ මෙවැනි සාමාන්‍ය සනීපාරක්ෂක තුවායක් නිෂ්පාදනයේදී ඩයොක්සින්, සින්තටික් ෆයිබර් වැනි පොලිතින් නිෂ්පාදනයේදී යොදාගන්නා ද්‍රව්‍ය අඩංගු වන බවයි. වාර්තාවන්ට අනුව පැවසෙන්නේ පොලිතින් කවර පහක අඩංගු ද්‍රව්‍ය එක සනීපාරක්ෂක තුවයක අඩංගු බවයි. ඔබ අපි බොහෝදෙනෙක් පොලිතින් වල පවතින විනාශකාරී බව අස ඇතුවාට සැකයක් නෑ. උදාහරණයක් ලෙස පොලිතින් සඳහා යොදාගන්නා BPA හා BPS වැනි ප්ලාස්ටික් රසායනික මගින් වඳ බාවයට පත්වීම , හදවත් රෝග හා පිළිකා ඇතිවන බව විවිධ අධ්‍යනයන් හරහා අනාවරණය වී ඇති කරුණක්.

එසේම ප්ලාස්ටික් හා සින්තටික් අඩංගු සනීපාරක්ෂක තුවා භාවිතය මගින් වාතාශ්‍රය නොලැබීම හරහා යෝනිය අවට තෙතමනය රැඳී විෂබීජ වර්ධනය සඳහා මග පාදයි. එසේම මේවා නිෂ්පාදනයේදී දුර්ගන්ධය හා සුවඳ පාලනය කිරීමටත් විවිධ වර්ගයේ රසායනික වර්ග යෙදීම සිරිතක්. මේ හරහාද විවධ වර්ගයේ ආසාදන තත්ත්වයක් ඇතිවීමේ හැකියාවක් පවතියි.

සනීපාරක්ෂක තුවාවල පවතින පිරිසිඳු සුදු පැහැය ලබාගන්නේ ක්ලෝරීන් මිශ්‍ර බ්ලිචින් මගිනි. මේ හරහා විෂ කාරක ඩයෝක්සින් වර්ග නිෂ්පාදනය වීමේ ඉඩ කඩක් පවතී. අධ්‍යනයන්ට අනුව හෙළිව ඇත්තේ මෙවැනි ඩයෝක්සින් වර්ග පටක වල තැන්පත් වන බවයි. ලෝක පරිසර සුරැකීමේ ඒජන්සි වාර්තාවන්ට අනුව මේවා රෝග ගණනාවකට හේතුවේ. උදාහරණයක් ලෙස මෙමගින් අනවශ්‍ය සෛල වර්ධනය වීම, ප්‍රතිශක්ති පද්ධතිය අඩපන කිරීම හා හෝමෝන ක්‍රියාවලිය අඩපන කිරීම සිදුවන බව ඔවුන් හෙළි කරයි. නමුත් මෙම වාර්තා වල පවා සනීපාරක්ෂක නිෂ්පාදන ආශ්‍රිතව ඇතිවිය හැකි විනාශය ගැන සඳහන කර නොමැති වීම විශේෂත්වයක්.

දැනට ලෝකයේ බොහෝ කපු නිෂ්පාදනයන් ජාන වෙනස් කල ඒවායි. එසේම සනිපාරක්ෂක තුවා නිෂ්පාදනයේදී යම් ප්‍රමාණයක් කපු යොදාගනු ලබනවා. ජාන වෙනස් කම්වලට ලක්වූ කපු වර්ග යොදාගැනීම හරහා ඇතිවිය හැකි සෞඛ්‍ය ගැටළු බොහොමයක් පවතිනවා. මෙවැනි ආකාරයෙන් ජාන වෙනස් කළ ද්‍රව්‍ය අඩංගු නිෂ්පාදන භාවිතා කිරීම හරහා ජාන වෙනස් කල ආහාර ගැනීමෙන් ඇතිවන ආකාරයෙන්ම සෞඛ්‍ය ගැටළු ඇතිවීමේ හැකියාවක් පවතියි. මෙය තවත් දරුණු වන්නේ යෝනි මාර්ගය අධික සංවේදී බැවින් ජාන වෙනස් කළ කපු අඩංගු සනිපාරක්ෂක තුවා භාවිත කිරීම මගින් එහි අඩංගු රසායනික ද්‍රව්‍ය කෙලින්ම රුධිර සංසරණ පද්ධතිය සමග එක වීමේ හැකියාවක් පැවතීමයි.

එසේම සනීපාරක්ෂක තුව නිෂ්පාදනයේදී දුර්ගන්ධය නැති කල හැකි රසායනික ද්‍රව්‍ය, කෘතීම වර්ණක, polyester, ගම් වර්ග polyethylene (PET), polypropylene, propylene glycol (PEG) යොදාගැනීම සිදු වෙනවා. මේ ද්‍රවය මගින් හෝමෝන නිෂ්පාදන අඩපණ වීම, පිළිකා, විවිධ අඩු පාඩු සහිත දරුවන් බිහිවීම, වඳ බාවයට පත්වීම සිදු වියහැකි බව අනාවරණය වී තිබෙනවා.

Reusable Pads භාවිතයේ වැදගත්කම

මෙම නැවත පාවිච්චි කළ හැකි සනීපාරක්ෂක තුවා ඔබේ මුදල් ඉතිරි කරනවා පමණක් නොවෙයි පරිසර හිතකාමීද වෙනවා. ඒවගේම මේවා නිෂ්පාදනයට යොදාගන්නා රසායනික ද්‍රව්‍යත් ඉතා අවමයි.

Reusable Pads නිෂ්පාදනය වී තිබෙන්නේ කපු සහ උණ බට ආශ්‍රිත අමුද්‍රව්‍ය යොදාගෙනයි. මේ නිසා වැඩි උරා ගැනීමට අමතරව හැඳ සිටීමත් ඉතා පහසුයි.

පාවිච්චියෙන් පසු පිරිසිඳු ජලයෙන් සේදීම පමණක් ප්‍රමාණවත්. ඒවගේම පර්යේක්ෂකයන් පවසන ආකාරයට ඔබ මෙවැනි සනීපාරක්ෂක තුවා 10 ක් පමණ අවුරුදු 5ක පමණ කාලයක් භාවිතා කළ හැකියි.

This is the one and only positive sex educational website in sri lanka and written in Sinhala language

ලිංගික ජීවිතය රසවත් කරන සිලිකන්වලින් හදපු කෘත්‍රිම සහකාරියෝ.


ලිංගික ඕනෑ එපාකම් සඳහා "ලිංගික බෝනික්කන්" යනුවෙන් හැඳින්වෙන කාන්තා ආකෘති යොදා ගැනීමේ උන්මාදයක් මේ වන විට යුරෝපය පුරා ශීඝ්‍රයෙන් පැතිර යනවා. එහි අලුත්ම සිදුවීම වාර්තා වන්නේ ජර්මනියෙන්. ගණිකා වෘත්තිය නීතිගත එරට පසුගියදා ලිංගික බෝනික්කන් පමණක් යොදාගෙන පවත්වාගෙන යන ප්‍රථම ගණිකා නිවාසය විවෘත වුණා. 29 හැවිරිදි එව්ලින් ශ්වාර්ස් නම් කාන්තාවක් විසින් එරට ඩෝර්ට්මන්ඩ් නගරයේ විවෘත කළ මේ අපූරු ගණිකා නිවාසය හඳුන්වන්නේ "බෝර්ඩෝල්" නමිනුයි.

එව්ලින් විසින් මේ සඳහා සිලිකන්වලින් නිම වන ලද "ලව් ඩෝල්ස්" ආකෘති 11ක් යොදාගෙන ඇති අතර ඒ හැම එකකටම ඇය නමක් දී තිබෙනවා. ආසියාවෙන් ගෙන්වා ඇති මේ එක් ලිංගික බෝනික්කෙක් වෙනුවෙන් ඇය වැය කොට ඇති මුදල යුරෝ 2000ක් (රුපියල් 3,20,000ක් පමණ) වෙනවා.

මෙම බෝනික්කන් විවිධ උස ප්‍රමාණවලින් විවිධ පපු ප්‍රමාණවලින් හා විවිධ වර්ණවලින් යුත් කේශ කලාපවලින් යුක්තයි. මේ බෝනික්කන් පාරිභෝගිකයෝ අතර ක්‍රමක්‍රමයෙන් ජනප්‍රිය වෙමින් පවතින අතර මේ වන විට දිනකට පාරිභෝගිකයන් 20ක් පමණ එම බෝනික්කන්ගේ පහස පතා පැමිණෙන බව එව්ලින් පවසනවා. ඒ වෙනුවෙන් පැයක් සඳහා ගෙවිය යුතු මුදල යුරෝ 80ක්. (රුපියල් 12,800ක් පමණ) වෙනවා.

විවිධ වයස්වල, විවිධ තරාතිරම්වල පුද්ගලයන් තම ගණිකා නිවාසය වෙත පැමිණෙන බව එව්ලින් සඳහන් කරන අතර මේ අතරින් 70%ක් පමණ නැවත නැවතත් එහි එන බව පවසනවා.

මේ දක්වා එව්ලින්ට තම ව්‍යාපාරික ස්ථානයේදී මුහුණදීමට සිදුව ඇත්තේ එක් අමිහිරි අත්දැකීමකට පමණයි. ඒ බෝනික්කන් අතර ජනප්‍රියම බෝනික්කා වූ "අෑන්"ව එක් පාරිභෝගිකයකු විසින් කඩා බිඳ දැමීම හේතුවෙනි.

ලිංගික සේවා කර්මාන්තය පිළිබඳ කරන ලද අධ්‍යයනයකදී ලිංගික බෝනික්කන් කෙරෙහි කැමැත්තක් දක්වන පුද්ගලයන්ගේ සංඛ්‍යාව ක්‍රමයෙන් ඉහළ යන බව හෙළි වී තිබෙනවා. මේ පිළිබඳව තම අදහස් දැක්වූ ඔස්ටි්‍රයානු මනෝ වෛද්‍ය විශේෂඥයකු වන ගර්ටි සෙන්ගර් සඳහන් කළේ ඇතැම් පිරිමි සැබෑ ගැහැනියක සමඟ යහන්ගත වීමට වඩා බෝනික්කෙක් සමඟ යහන් ගතවීමට වැඩි ප්‍රියතාවක් දක්වන බවයි. ඊට හේතුව ලෙස ඇය දක්වන්නේ බෝනික්කන් සමඟ තමන්ට රිසිසේ හැසිරීමට ඉඩ ලැබෙන බැවින් එසේ ඔවුන් කැමැත්තක් දක්වන බවයි. මේ අයුරින් ඔස්ටි්‍රයාවේ විවෘතව ඇති "කොන්ටැක්හොෆ්" නම් ගණිකා නිවාසයෙන් "ෆැනී" නම් ලිංගික බෝනික්කා සැබෑ ගණිකාවකට වඩා පාරිභෝගිකයන්ගේ ආකර්ෂණයක් ලද බව ඇය සඳහන් කරනවා.

වතාවක් ලින්ස් නගරයේ "ආර්ස් ඉලෙක්ට්‍රොනික්" නව නිපැයුම් ප්‍රදර්ශනය සඳහා ඉදිරිපත් කොට තිබූ "සමන්තා" නම් ලිංගික බෝනික්කා කෙතරම් නරඹන්නන්ගේ ආකර්ෂණයට ලක්වී ඇත්දැයි පැවසුවහොත් ඔවුන් එය මිරිකා දැමීමට පෙලැඹීම නිසා පැය කිහිපයකින් එය විනාශයට පත්ව තිබෙනවා.

-ගැමුණු රත්නායක

This is the one and only positive sex educational website in sri lanka and written in Sinhala language

කොන්ඩම් මැෂින් ළඟදීම ඔබේ නගරයටත්.


නොමිලේ කොන්ඩම් ලබාගත හැකි යන්ත්‍ර පන්සීයක් රටපුරා ස්ථාපිත කිරීමට සෞඛ්‍ය අමාත්‍යංශයේ එච්.අයි.වී. ඒඩ්ස් මර්දන වැඩසටහන තීරණය කර තිබේ.

මේ යන්ත්‍ර කොළඹ, කළුතරථ ගම්පහ, රත්නපුර, කුරුණෑගල, මහනුවර ඇතුළු ප්‍රධාන නගර කේන්ද්‍ර කරගනිමින් සවි කිරීමට පියවර ගන්නා බව එච්.අයි.වී. ඒඩ්ස් මර්දන වැඩසටහනේ අධ්‍යක්ෂ වෛද්‍ය සිසිර ලියනගේ මහතාගේ මහතා සඳහන් කළේය.

එම යන්ත්‍ර මගින් තමන්ට අවශ්‍ය පමණ කොන්ඩම් ලබාගත හැකි බවත්, ඊට කිසිදු මුදලක් වැය නොවන බවත් ඔහු කියා සිටියේය.

අනාරක්ෂිත ලිංගික කාර්යන්හි නියැලෙන පුද්ගලයන් නිසා එච්.අයි.වී.පැතිරයාමේ අවදානමක් ඇතිවී ඇති නිසා එය වැලැක්වීමට මේ පියවර ගත් බව පැවසේ.

මේවන විට ශ්‍රී ලංකා පවුල් සංවිධාන සංගමය ද කොන්ඩම් යන්ත්‍ර සවිකිරීම ආරම්භ කර ඇති අතර එවැනි යන්ත්‍රයක් මේවන විට කොළඹ බුලස් පාරේද සවිකර තිබේ.

කෙසේවුවද, එම යන්ත්‍රයෙන් කොන්ඩම් පැකට්ටුවක් ගැනීමට රුපියල් 50ක මුදලක් වැයවේ.

This is the one and only positive sex educational website in sri lanka and written in Sinhala language

පිරිමි ලිගුවේ පෙරසම හා ආශ‍්‍රිතව ඇතිවන ව්‍යාකූලතා


ප්‍රධාන වශයෙන් දක්නට ඇත්තේ

- පෙරසම ලිගුව ඉදිරියෙන් හැකිලී තිබීම (පසු පසට කල නොහැකිවීම.)
- පසු පසට වූ සම නැවත ඉදිරියට දැමිය නොහැකි වීම.
- පෙර සම ආශ‍්‍රිතව ඇතිවන පිලිකා

පෙරසම ලිගුව ඉදිරියෙන් හැකිලී තිබීම (පසු පසට කල නොහැකිවීම) - මෙය phimosis ලෙස හදුන්වන අතර එය සාමාන්‍ය තත්වයක් නොවෙයි. මෙය බහුලව කුඩා ළමුන් අතර දක්නට ඇති අතර තරුණ අය අතරද දක්නට ලැබෙන අවස්තා ඇත.

මෙවැනි අවස්ථාවක ඇතිවන රෝග ලක්‍ෂණ මොනවාද?

- මුත‍්‍රා කරන විට ලිගුව කෙලවර බැලූනයක ආකාරයට පිම්බීම
- මුත‍්‍රා ඈතට විද නොයෑම හෝ බිංදු බිංදු වැටීම
- මුත‍්‍රා කිරීමට අධික ලෙස තැටමීම.
- නිතර නිතර මුත‍්‍රාවල විෂබීජ තත්ව ඇතිවීම.
- සමහර අවස්ථා වලදී ලිගුව කෙළවරින් සුදු පැහැයට හෝ කහ පැහැයට දියරමය ද්‍රව්‍යකින් පිටවීම.
- විෂබීජ තත්ව ඇතිවීම. (ලිගුව කෙළවර රතු වී ඉදීමීම)
- වැඩිහිටියෙකුගේ නම් ලිංගික සංසර්ගයේදී දැඩි වේදනාවක් ඇතිවීම.
- පිටුපසට වූ සම නැවත ඉදිරියට දැමිය නොහැකි වීම.
ප‍්‍රථිකාර මොනවාද?
- මෙය වෛද්‍ය උපදෙස් ලබාගත යුතු තත්වයකි.
- ඉතා කුඩා දරුවෙකුගේ නම් වෛද්‍ය වරයා විසින් පරීක්‍ෂා කිරීමෙන් පසු ශල්‍යකර්මයක් අවශ්‍ය වන්නේද නැතිද යන වග තීරණය කරුණු ලබයි. සමහර අවස්ථාවලදී පවතින ස්වභාවය අනුව ක‍්‍රීම් වර්ගයක් (ස්ටීරොයිඞ් සහිත) ආලේප කර සම පිටුපසට කිරීමට උපදෙස් දෙනු ඇත. මෙය දිනකට කිහිප වතාවක් කිරීමෙන් සමහර දරුවන්ගේ යථා තත්වයට පත්වේ. එසේ නොවන අවස්ථා වලදී ශල්‍යකර්මයක් මඟින් පෙර සම ඉවත් කිරීම වඩාත් යෝග්‍ය වේ.

මෙම ශල්‍යකර්මයේ අතුරු ආබාධ තිබේද?

විශේෂිත වූ අතුරු ආබාධ නොමැත. නමුත් ලිගුව කෙලවර කොටසෙහි ඇති සංවේදී බව අඩුවිය හැකි අතර එම කොටසට පහසුවෙන් තුවාල සිදුවීමේ හැකියාව ඇත.

පෙර සම ඉවත් කිරීමේ ශල්‍යකර්මයට පසු

- සාමාන්‍යයෙන් සුව වීමට සතියක් පමණ ගතවේ.
- ශල්‍යකර්මය කල දිනයේදීම හෝ පසුදින රෝහලින් පිටකරනු ලැබේ.
- මෙම ශල්‍යකර්මයට පසුදිනම ස්නානය කලහැක. අදාල ප‍්‍රදේශය ජලයෙන් සෝදා හැරිය හැකි වේ.
- විෂ බීජ නාශක ක‍්‍රීම් වර්ගයක් ආලේප කර කුඩා ගෝස් කැබැල්ලකින් දිනපතා ආවර්ණය කර තැබිය හැක.
- එය තෙත් වී ඇත්නම් වහාම ඉවත් කල යුතුය.

ශල්‍යකර්මය කිරීමට පෙර නිර්වින්දනය සිදුකෙරේද?

කුඩා දරුවන්ගේ මෙය කරන්නේ සම්පූර්ණයෙන් නිර්වින්දනය කිරීමෙනි. වැඩිහිටියන්ගේ මෙය හිරි වැට්ටවීමෙන් පසු කල හැක.

යම් හෙයකින් ලේ ගැලීමක් වුවහොත් කුමක් කල යුතුද?

ඉතා පිරිසිදු රෙදි කැබැල්ලකින් එතැන විනාඩි 10ක් පමණ තද කරගෙන සිටින්න. බොහෝ විට ලේ ගැලීම නවතී. එසේ නවතින්නේ නැතිනම් වෛද්‍ය උපදෙස් ලබාගත යුතුය.

ශල්‍යකර්මයට පසු වෛද්‍යවරයෙකු වෙත යොමු විය යුත්තේ කුමන අවස්ථාවේද?

- ලේ ගැලීම නැවතුනේ නැතිනම්
- සැරව ගැලීමක් ඇත්නම්
- සම්පූර්ණ ලිගුව රතුවී තිබේ නම්
- එක දිගටම කැක්කුම පවතින්නේ නම්
විශේෂයෙන් සැළකිය යුතු අවස්ථා
- දරුවන් නැහැවීමේ දී මෙන්ම ශරීර කෘත්‍යයන් කරගැනීමට නොහැකි වැඩිහිටියන් නැහැවීමේදී ද පෙර සම පිටුපසට කර එහි වූ සුදුපැහැති ද්‍රව්‍ය (Smegma) සෝදා හැරීම කල යුතුය. මෙය ලිගුව කෙළවර තෙත්ව තබා ගැනීමට දිනපතා ඇතිවන ස‍්‍රාවයක් වන අතර එසේ දිගටම එකතු වීමෙන් ඒමත විෂබීජ තත්ව ඇතිවීමට පුළුවන.

මෙම හේතුව නිසාම බොහොමයක් වැඩිහිටියන් රොහල් ගතවන අවස්ථා ඇත. මීට අමතරව මෙය මුත‍්‍රාවල විෂබීජ ආසාදන තත්ව ඇතිකිරීමටද හේතු පාදක වේ.

This is the one and only positive sex educational website in sri lanka and written in Sinhala language

කෙල්ලෙක් වගේ පියයුරු විශාල වෙලාද?


පුන් පියයුරු එහෙමත් නැතිනම් පිරුණු පියයුරු කාන්තාවන්ගේ ද්විතියික ලිංගික ලක්ෂණයක්. නමුත් පිරිමින්ගේ එහෙම නැහැනේ. ඒත් කලාතුරකින් සමහර පිරිමින්ගේ පියයුරු විශාල වෙනවා. කාන්තාවකගේ වගේම විශාල වන අවස්ථා දකින්නත් පුළුවනි. ඉතින් මේක මහා වදයක්නේ. මේ නිසා බොහෝදෙනා මනසින් කඩා වැටෙනවා. සමාජයට එන්න ලජ්ජයි. ප්‍රසිද්ධියේ කමිසය ගලවන්නේවත් නෑ. මෙහෙම වෙන්නේ ඇයි?

පිරිමි අයගේ පියයුරු මේ වගේ කලාතුරකින් විශාල වීමට ලක්වීම හඳුන්වන්නේ Gynecomastia ගයිනෙකොමැස්ටියා හැටියටයි. ඒ සඳහා බලපාන කරුණු කාරණා කිහිපයක්ම හඳුනාගත හැකියි.

එය උපතේදීම හටගන්නා තත්ත්වයක් වන්නට පුළුවනි. තවත් අයගේ යොවුන් වයසේදී හටගන්නා හෝමෝන වෙනස්කම් නිසා සිදුවන්න පුළුවනි. ස්ත්‍රී හෝර්මෝනය වැඩියෙන් ශ්‍රාවයවීම මෙයට හේතුව වෙන අවස්ථා තියෙනවා. සමහර ඖෂධවර්ග භාවිතා කරනවිටත් මේ තත්ත්වය ඇතිවෙනවා. ඒ වගේම වඩාත් වැදගත්ම කාරණාව තමා මත්පැන්. දිගුකලක් අධිකව මත්පැන් ගන්නා විට ශරීරයේ හෝර්මෝන සමතුලිත බව කඩා වැටෙනවා. වෘෂණ කෝෂ හරියට වැඩ නොකර යනවා. ටෙස්ටොස්ටෙරොන් කියන හෝමෝනය නිපදවීම අඩුවෙනවා. මේ නිසා කාන්තා ලක්ෂණ ඉහළ යනවා. එහි ප්‍රධානම ලක්ෂණය තමා පියයුරු විශාල වීම.

පියයුරු විශාල වීම ඖෂධයක් නිසා සිදුවන්නේ නම් ඒ ඖෂධය නවත්වා දැමූ පසු සාමාන්‍ය තත්ත්වයට කුඩා වෙන්න ගන්නවා. මත්පැන් පානය කරන අයට ඇති හොඳම බෙහෙත පානය නතර කර දැමීමයි. යොවුන් වියේදී පියයුරු සාමාන්‍යයෙන් සුළු වශයෙන් විශාල වුවත් ඒක ටික කලකින්ම නැතිවෙලා යනවා. එතැන්දී මේ ස්වභාවික තත්ත්වය ගැන පහදලා දීලා හිත හැදීමයි කළයුතු.

පියයුරු විශාලවීම දිගුකලක් පවතින විට ඒ සඳහා ඇත්තේ එකම විසඳුමයි. ඒ තමා ප්ලාස්ටික් ශල්‍යකර්මය. මුලින්ම පවුලේ වෛද්‍යවරයා වෙත යොමුවී පරීක්ෂා කර ගත යුතුයි. ඊළඟට ඔහුගේ උපදෙස් අනුව සුදුසුකම් ලත් ශල්‍ය වෛද්‍යවරයකු හමුවිය යුතුයි. දැන් රජයේ රෝහල් හැමකෙකම වාගේ ප්ලාස්ටික් ශල්‍යකර්ම සිදුකරන නිසා මේ ගැන තැවි තැවී සිටින්න ඕනෑ නැහැ.

This is the one and only positive sex educational website in sri lanka and written in Sinhala language

'පෙන්වා සතුටුවීම' ලෙඩක්ද?


ඔහු ගාමින්ද, රාජ්‍ය පරිපාලන නිලධාරියෙක්. ඔහු මා හමුවීමට පැමිණෙන්නේ සිය මවත් සමඟ. මේ ඔහුගේ කතාවයි.

මම මගෙ පවුලේ එකම දරැවා. මගේ තාත්තා විදුහල්පතිවරයෙක්. ගොඩක් සැරයි. මගෙ අම්මා නම් හරිම අහිංසකයි. පුංචි කාලේ මම ඉගෙනගන්න ගොඩක් දක්ෂයි. ඒ නිසාම මම හොඳින් විභාග පාස්වුණා. උපාධියකුත් ගත්තා. දැන් මම විවාහකයි. මට අවුරුදු එකහමාරක පුංචි පුතෙකුත් ඉන්නවා. ඒත් මට මගේ ජීවිතේ හදාගන්න බැරිවුණ එක දුර්වලකමක් තියනවා. මට ඒක හදාගන්න ඕනෑ.

ගාමින්ද එසේ කියමින් මොහොතකට නිහඬ වුණා. ඔහුගේ ගැටලුව ඉදිරිපත් කළේ ගාමින්දගේ අම්මා. ඇය පැවසුවේ මෙවැනි දෙයක්.

ගාමින්ද විවාහකයි. එයා පරිපාලන නිලධාරියෙක්. ඒ මොන තැනක හිටියත් මෙයාගේ ලොකු අඩුපාඩුවක් තියනවා. හේතුව මෙයා සතුටුවෙන්න පුරුදුවෙලා ඉන්නේ එයාගේ ලිංගේන්ද්‍රිය නාඳුනන ගැහැණු අයට පෙන්නලා. එයා හැමදාම හොඳට ඇඳගෙන ටයි එකත් දාගෙන වැඩට යනවා කියලා ගෙදරින් යනවා. ඒත් සමහර දවස්වල එයා ඒ ඇඳුම් මාරැකරලා නිකන් ටී ෂර්ට් එකකුයි සරමකුයි ඇඳගෙන බාලිකා විද්‍යාලයක් ළඟට හරි පාළු පාරක් ළඟට හරි ගිහින් වාඩිවෙලා ඉන්නවා. කවුරු හරි ගෑනු කෙනෙක් දැක්කාම එයා එයාගේ ලිංගේන්ද්‍රිය පෙන්නලා එතනින් යන්න යනවා. දැන් දෙසැරයක්ම පොලිසියට අහුවුණා. මෙයාට හොඳටම ගහලා තිබුණා. ඒත් මෙයාගේ යාළුවෙක් තමයි කිව්වේ මේක මානසික ලෙඩක් වෛද්‍යවරයෙකුට පෙන්නන්න කියලා.

ගාමින්දගේ මවගේ කතාවට ඇහුන්කන්දුන් මම යළිත් ගාමින්ද දෙසට යොමුවුණා. ගාමින්දගේ ජීවිතයේ යටගියාවක් සොයා බැලුවා. ගාමින්ද ඒ පිළිබඳව පවසා තිබුණේ මෙවැනි දෙයක්.

මගේ තාත්තා ගොඩක් සැරයි. හරිම නීතිගරැකයි. මම කොපමණ හොඳට අධ්‍යාපන කටයුතු කරගෙන ගියත් පොඩ්ඩ බැරි වෙද්දි බනිනවා. පුංචි වැරැද්දටත් මට ගහනවා. මට මතකයි මම සෑහෙන්න ලොකු වෙනකල් ඔහු මට දඬුවම් කළා. මාව කාමරයකට දාලා නිරුවත් කරලා වේවැලකින් පහර දුන්නා. ඒ හැම වෙලාවකම මට ලොකු වේදනාවක් දැනුනා. ඒ වගේම ලිංගික උත්තේජනයකුත් ලැබුවා. ඒ නිසා තාත්තා මට දඬුවම් කරන හැම වෙලාවකම මම වේදනාව ඉවසාගත්තේ ඉන් ලැබුණ ලිංගික උත්තේජනය නිසා.

දැන් මට අවුරුදු 28යි. මං මගේ බිරිඳත් එක්ක සතුටුවෙනවට වැඩිය ලොකු ආශ්වාදයක් මගේ ලිංගේන්ද්‍රිය තවත් නාඳුනන කාන්තාවකට පෙන්වීමෙන් ලබනවා. එය මං කරන්න පටන් ගත්තේ අවුරුදු 18 දී. මම සතුටුවෙන්නේ තවත් කෙනෙකුගේ මනසට පීඩාවක් දීලා. මම දන්නවා ඒක වැරදි දෙයක් කියලා. මට ඒකෙන් මිදෙන්න ඕන.

මේ වගේ තත්ත්ව තියෙන පුද්ගලයෙකු අසාමාන්‍ය ලිංගික චර්යා සහිත පුද්ගලයෙක් ලෙස හඳුන්වා දෙන්න පුළුවන්. මෙය මනෝවෛද්‍ය විද්‍යාවට අනුව අසනීපයක් ලෙසයි සලකන්නේ. මෙවැනි අසනීප රාශියක් තියෙනවා. උදාහරණයක් විදියට පීඩොපිලියා (Pedophilia) දරුවන්ට ලිංගික අතවර කිරීමට ඇති කැමැත්ත, ප‍්‍රදර්ශනකාමය (Exhibitionism) ලිංගික අවයව ප‍්‍රදර්ශනය කිරීමට ඇති ආශාව, දර්ශාස්වාදය (Voyeurism) හොරෙන් බැලීමට ඇති ආශාව, පරපීඩාකාමය (Sadism) වේදනාවක් දීලා ලිංගික ආශ්වාදයක් ලැබීමට ඇති ආශාව වැනි රෝග පෙන්වා දෙන්න පුළුවන්. මේ රෝග සහිත පුද්ගලයන්ගෙන් ඔවුන්ටම හෝ වෙනත් අයට පීඩාකාරී තත්ත්වයන් උදාවිය හැකියි. සමහර අවස්ථාවලදී උසාවියක නඩු පවරලා දඬුවම් කළ හැකි අවස්ථා තියෙනවා.
අද කතාකරන්නේ ප‍්‍රදර්ශනකාමය කියන මානසික රෝගය පිළිබඳවයි. මෙවැනි අය ප‍්‍රසිද්ධ ස්ථානයකට ගිහිල්ලා ලිංගික අවයව ප‍්‍රදර්ශනය කරලා සතුටුවීමට ක‍්‍රියාකරනවා. ඒ සඳහා බස්හෝල්ට් එකක්, නැතිනම් පාසලක්, චිත‍්‍රපටිශාලාවක් වැනි ස්ථාන තෝරා ගන්නවා. මේ රෝගයට ගොදුරුවීමේ ප‍්‍රවණතාව වැඩියෙන් තියෙන්නේ පිරිමි පාර්ශ්වයට. මේ තත්ත්වය ෆැන්ටසි එකක් නැතිනම් සිහින ලෝකයක් ලෙසයි මේ රෝගීන් දකින්නේ. ඔවුන් ඉන් ලොකු තෘප්තියක් ලබනවා. මෙවැනි ඇය ලිංගික අතවර කිරීම්වලට යන්නේ නැහැ. මෙවැනි තත්ත්ව ඇතිවීමට හේතු රාශියක් තියෙනවා. දරුවකු පුංචි කාලයේ ලිංගික අපයෝජනයට ලක්වීම එක් හේතුවක් වෙනවා. ඒ වගේම අසාමාන්‍ය ලිංගික උත්තේජක වලට දරුවා ලක්කිරීම තවත් හේතුවක්. මා හමුවීමට පැමිණි මේ පුද්ගලයාත් පුංචි කාලයේ තාත්තා පහරදෙනවිට ලබන ශාරීරික වේදනාවට අමතරව අපූරු ලිංගික උත්තේජනයකුත් ලබලා තියෙනවා. මේ වගේ සිදුවීම් වගේම දරැවකු අනවශ්‍ය ලෙස අතපතගෑම්වලින් ද මෙය සිදුවිය හැකියි. ඒ වගේම දරුවන්ට නුසුදුසු චිත‍්‍රපටි පෙන්වීමත් ඉන් ඔවුන් අසාමාන්‍ය ලිංගික උත්තේජනයක් ලැබීමත් මීට හේතු විය හැකියි. 

මෙවැනි හේතු දෙස බලනවිට පුංචි කාලේ සිටම දරුවෙකුට නිවැරදි ආරක්ෂාව, ආදරය ලබාදීම ඉතාමත් වැදගත් බව පෙන්වාදෙන්න පුළුවන්. ඒ වගේම මෙවැනි රෝගීන් සඳහා ප‍්‍රතිකාර කිරීමේදී නිවැරදි ක‍්‍රම භාවිත කළ යුතුයි. හේතුව ඔවුන් මානසික ආතතියකින් පෙළීම. ඒ සඳහා ඖෂධ ප‍්‍රතිකාර කළ යුතුයි. ඒ වගේම මනෝ චිකිත්සක ප‍්‍රතිකාර ක‍්‍රමයක් අනුගමනය කළ යුතුයි. ඒ සඳහා ඔහුගේ මනස විවෘත කළ යුතුයි. එනම් මෙවැනි දේ නිසා සිදුවිය හැකි වාසි මොනවාද, අවාසි මොනවාද කියා විවෘතව සාකච්ඡා කළ යුතුයි. එනම් එවැනි දේ නිසා ඔහුට පවුලෙන් ලැබෙන පිළිගැනීම, ඔහුගේ රුකියා ස්ථානයෙන් ලැබෙන පිළිගැනීම, සමාජය ඔහු හඳුන්වන ආකාරය ආදිය පිළිබඳ දැනුවත් කළ යුතුයි. (බුද්ධිමය අවදි කිරීම - Inside Oriented Therapy) මීට අමතරව පවුලේ අය දැනුවත් කිරීමත් වැදගත්. හේතුව පවුලේ අය මෙවැන්නන් කොන්කර අපහාස කළහොත් තවදුරටත් මේ තත්ත්වය වැඩි විය හැකියි. ඒ නිසා ඔවුන්ටත් මෙවැනි පුද්ගලයන් සමඟ කොහොමද ඉන්නේ කියලා අවබෝධ කරවීමට මනෝ උපදේශනය කි‍්‍රයාත්මක කළ යුතුයි. මේ සියලු දේ වගේම වෛද්‍යවරයා සමඟ කාලයක් සම්බන්ධතා පවත්වාගෙන යාම හා නිවැරදිව උපදේශනයට යොමු කිරීම තුළින් මෙවැන්නන් එවැනි දේ වලින් මුදා ගත හැකියි.

This is the one and only positive sex educational website in sri lanka and written in Sinhala language

ප‍්‍රථම හමුවේ භීතිය.


අද අඹුසැමියන් අතර ඇතිවන ගැටලුවලට හේතු සොයාගැනීම ගොඩක් දුෂ්කර කටයුත්තක් වෙලා තියෙනවා. වරක් බර්ට‍්‍රම් රසල් නම් බ්‍රිතාන්‍ය ජාතික දාර්ශනිකයා මෙහෙම කියලා තියෙනවා. මනෝ සමාජයේ ගැටලු අන්තර් පුද්ගල සමාජයේ ඇතිවන ගැටලු විසඳීම අතිශයින්ම සංකීර්ණයි. සමහර විට ගණිතමය ගැටලු විසඳාගැනීම ඊට වඩා ලේසියි. අඹුසැමි ගැටලු වලට බොහෝ විට ලිංගික ගැටලු හේතුවෙනවා. එය බොහෝ දෙනා දන්නා ප‍්‍රකට කරුණක්. නමුත් ලිංගික කරුණු බොහෝ විට එළිපිට කතා කරන්නේ නැහැ. ඒවා අළුයට සැඟවුන ගින්දර මෙන් මතුවෙනවා. අවසන් වෙන්නේ අඬදබර හෝ දික්කසාදවලින්.

අද මම කතාකරන්නේ ලිංගිකමය ගැටලුවක් නිසා අවුලට පත්වූ පවුලක් පිළිබඳව. සුමුදු හා සුනිමල් විවාහවෙලා අවුරුදු අටයි. සුනිමල් බැංකු නිලධාරියෙක් ලෙස කටයුතු කරන අතර සුමුදු ගුරුවරියක් ලෙස රාජකාරි කළා. මේ දෙදෙනාගේ ගැටලුව ප‍්‍රථමයෙන් අප වෙත ගෙන ආවේ සුනිමල්ගේ මව. ඩොක්ටර් මගේ ගම නුවර. මම විශ‍්‍රාම ගිය ගුරුවරියක්. මගේ මහත්තයා ග‍්‍රාමසේවක කෙනෙක්. මම ආවේ මගේ පුතා ගැන කතා කරන්න. පුතාගේ වයස අවුරුදු 30 යි. පුතා බැඳලා අවුරුදු 05ක් වෙනවා. අපි හොයලා දීලා නම් නෙවෙයි. එයාම තමා මේ බිරිඳව හොයාගත්තේ. මම දන්න දවසේ ඉඳන් මේ දෙන්නා රණ්ඩු වෙනවා. දෙන්නට දෙන්නා චෝදනා කරගන්නවා. සතුටින් හිටිය කියලා එක දවසක්වත් මම දැකලා නෑ. මම නිතරම අහනවා උඹලට වෙලා තියෙන්නේ මොකක්ද කියලා. කිසිම දෙයක් අපට කියන්නේ නෑ. බැඳලා අවුරුදු පහක් වුණා. තාම දරුවනුත් නෑ. මේ විදියට කතාකරපු සුනිමල්ගේ මවගේ ඇස්වල කඳුළු පිරිලා තිබුණා. පිටරටවල නම් වයස අවුරුදු දාසයෙන් පස්සේ දරුවෝ නිදහස් කරනවා. ඒත් ආසියානු රටවල දරුවන් මුණුබුරන් පිළිබඳ මව්පියෝ සැලකිලිමත් වෙනවා. ඔවුන් පිළිබඳ අවධානය යොමුකරනවා. සුනිමල්ගේ අම්මත් ඒ වගේ කෙනෙක්. ඇය දරුවාගේ පවුල් ජීවිතය රැකගැනීම සඳහා ඉදිරිපත්වෙලා අපේ සායනයට ඔවුන්ව යොමුකළා. මම මුලින්ම කතාකළේ සුනිමල් සමඟ. ඔහු ඔහුගේ දුක්ගැනවිල්ල ඉදිරිපත් කළේ මෙහෙමයි.

අපි විවාහවෙලා අවුරුදු පහක් වෙනවා. අපි දෙන්නා හමුවුණේ පේරාදෙණියෙ සරසවියේදී. ඒ කාලයේ අපි හරිම සතුටින් සිටියා. අනිත් ආදරවන්තයෝ වගේම අපි හොඳට ආදරය කළා. ඇය ආදර පිබිදවීම් ප‍්‍රතික්ෂේප කළේ නෑ. සරසවියෙන් නික්මුනු අපි වසර දෙකකට පසු විවාහ වුණා. අපි මධුසමය සඳහා නුවරඑළියේ ලස්සන හෝටලයක් තෝරාගෙන තිබුණා. සිප වැළඳගැනීම් ඇරුණුකොට වෙන කිසිවක් අප අතර සිදුවූයේ නැහැ. ඇය මාව ප‍්‍රතික්ෂේප කළා. මම ඇගෙන් මාව ප‍්‍රතික්ෂේප කිරීමට හේතු විමසුවා. ඇස්වලට කඳුළු පුරවාගෙන බයෙන් තැතිගෙන සිටි ඇය මට මේ වගේ දෙයක් කිව්වා.

මම ඔයාට ආදරෙයි. ඒත් මට වෙන කිසිම දේකට කැමති වෙන්න බැහැ. ඇය පැත්තකට වුණා. මට ඇය ගැන දුකක් මෙන්ම තරහක්ද ආවා. අද වෙනතුරුත් අපි ජීවත්වෙන්නේ දෙපැත්තක.

ඔහු ඉවත් වූ පසු අපි සුමුදුගේ දෙසට හැරුණා. ඇය පැවසුවේ මේ වගේ දෙයක්. මම සුනිමල්ට හුඟක් ආදරෙයි. අපි දෙදෙනා අතර වෙන කිසිම ගැටලුවක් නෑ. ඒත් ලිංගිකව එකතුවෙන්න හදනකොට මට ලොකු බයක් දැනෙනවා. ඇය ලැජ්ජාවෙන් පැවසුවා. අපි ඊළඟට ප‍්‍රශ්න කළේ ඇයට ඇතිවන බය කුමක්දැයි හඳුනා ගැනීමට.

මම මුලින්ම ලිංගිකත්වය සම්බන්ධ කරුණු කතා කළේ උසස් පෙළ කරන කාලයේ. කුඩා කාලයේ දී මම හැදුන පරිසරයේ නම් කවදාවත් ඒ වගේ දේවල් කතාකළේ නෑ. අපේ අම්මයි තාත්තයි හරිම සැරයි. පංතියේ ගුරුවරයෙක් නැති වෙලාවට යාළුවොත් එක්ක එකතුවෙලා පිරිමි ළමයි ගැන අපි කතාකරනවා. දවසක් එක යාළුවෙක් පැවසුවා ප‍්‍රථම එක්වීම හුඟක් වේදනාකාරී ක‍්‍රියාවලියක් බව. එදා මට ලොකු බයක් දැනුණා. මේකේ සත්‍ය අසත්‍ය දැන ගැනීමට මගේ හිතේ ලොකු කුතුහලයක් තිබුණා. ඒ නිසා කාටත් හොරෙන් මම අපේ සෞඛ්‍ය කරපු ටීචර්ව මුණ ගැහුණා. ටීචර් කිව්ව දේවලින් මම තවත් බයවුණා. සුනිමල් ළඟට එද්දි මට ඒ බය දැනෙනවා. සුමුදු ඇගේ කතාව අවසන් කළා. ඇයත් ගොදුරු වී සිටියේ ඇතැම් කාන්තාවන් මුහුණපාන තවත් එක් දුබලතාවයකට. ඇයට තිබුණේ ලිංගික සංසර්ගය පිළිබඳ බයක්. මේ බය කුඩා කාලයේ යටි සිතට ඇතුළුවෙලා තියෙනවා. ඒ බය නිසාම යෝනි මාර්ගය පහළ කොටසේ මාංශපේශි දැඩි සංකුංචනයකට ලක්වෙනවා. ඉන් ඇයට වේදනාවක් ඇතිවෙනවා. මෙය ආදරය පිළිබඳව ගැටලුවක් නෙවෙයි. සිතේ ඇතිවන බිය නිසා සංසර්ගය ප‍්‍රතික්ෂේප කිරීමක් පමණයි. මේ තත්ත්වයට මනෝ විද්‍යාවේදී වජිනිස්මස් (Vaginismus) කියලා කියනවා. මීට හේතු රාශියක් විද්‍යාඥයෝ හොයාගෙන තියෙනවා. එක හේතුවක් තමයි ලිංගික කරුණු වැරදි ලෙස වටහා ගැනීම. ඒ වගේම කුඩා කල ලිංගික අපයෝජනයට ලක්වන දරුවන්ටත් මෙවැනි භීතීන් ඇතිවෙන්න පුළුවන්. 

සමහර අය දරු ප‍්‍රසූතියට බයවෙනවා. හේතුව පළවෙනි දරු ප‍්‍රසූතිය වේදනාකාරී වීම. ඒ බය ඇගේ මනසට ඇතුළු වුණාම ඇය ආයෙමත් දරුවෙක් හදන්න බය වෙනවා. ඒ නිසා සංසර්ගය ප‍්‍රතික්ෂේප කරනවා. මේ සියලු දේ සිදුවෙන්නේ භීතිය යටි සිතට ඇතුළුවීම හා ඒ සිතිවිලිවල බලපෑම නිසා යෝනි මාර්ගය අසල මාංශපේෂි සංකුංචනය වී වේදනාවක් ඇති කිරීම නිසා.

මේ වගේ ගැටලු ඇති කාන්තාවන් බොහෝ පිරිසක් අපේ සායනවලට එනවා. සමහර කාන්තාවන්ගේ මෙවැනි ගැටලු නිසා ඔවුන් ශාන්තිකර්මවලටද යොමු වෙනවා. ඒ වගේ මෝහනය කරන තැන්වලටත් යනවා. මෙවැනි මානසික භීතීන් ඇති වූ කාන්තාවන්ට මිත්‍යා පිටුපස ගිහින් නම් ඵලදායි දෙයක් ලබාගත නොහැකි වෙනවා. ඉන් සිදුවන්නේ මුදල් දී රැවටීම පමණයි. විද්‍යාත්මක ප‍්‍රතිකාරවලින් මෙවැනි භීතීන් සුවකර ගන්න පුළුවන්. ඒ වගේම මෙවැනි භීතීන්ට ලක්වුන කාන්තාවෝ පවුල් ගැටලු නිසා මානසික පීඩනයටත් ගොදුරු වෙනවා. ඉහත කතා කළ සුමුදුත් මානසික පීඩනයට ගොදුරු වෙලා හිටියා. දෙදෙනාටම තරහයාම, නින්ද නොයාම, කලකිරීම වැනි මානසික ව්‍යාධීන් ඇතිවී තිබුණා. වෛද්‍ය ප‍්‍රතිකාර ආරම්භ කරපු අපි මෙයාලව උපදේශනයටත් යොමුකළා. එහිදී මිත්‍යා විශ්වාස සහ ඇගේ සිතේ පැවති භීතිය අයින් කිරීම උපදේශනයේ පළමු කාර්යය වුණා. ඒ සඳහා අපි සිතිවිලි ප‍්‍රතිකාරය භාවිතා කළා. ඊළඟට ශරීරය සැහැල්ලු වීමේ ව්‍යායාම කියලා දුන්නා. ඉන් මනසත් ශරීරයත් දෙකම සැහැල්ලු කළා. මීළඟට යෝනි මාර්ගය අවට තදින් වේදනා දෙන මාංශපේශි සැහැල්ලු කරන ව්‍යායාම පුරුදු කළා. (Kegal Exercise) ඒ වගේම ලිංගික උද්දීපනය හා ආකර්ෂණය ඇති ව්‍යායාම කියා දුන්නා (Senate Aocus)’ මෙවැනි උපදේශන ක‍්‍රමවලින් සුමුදුගේ සිතේ ඇති බිය නැතිවුණා. සුනිමල් සහ සුමුදු දැන් සතුටින් සිටිනවා.

This is the one and only positive sex educational website in sri lanka and written in Sinhala language

පිරිමින් හංගන රහස් ලෙඩ.


අපේ මේ සාකච්ඡා ආරම්භ කළ මුල් කාලයේ විශේෂඥ වෛද්‍ය ආරියසේන යූ ගමගේ පැවැසුවේ ලංකාවේ පිරිමි තමන්ට තිබෙන ලිංගික ප්‍රශ්න ගැන එළිපිට වෛද්‍යවරුන් හා කතා කරන්නට යොමුවනවා අඩු බවය. ඒ අනුව බලන විට කාන්තා පක්ෂය වඩාත් විවෘතව ඉදිරිපත් වන බවය. විශේෂයෙන්ම තමා සේවය කරන ප්‍රදේශයේදී සිංහල ප්‍රජාව අතර මේ පසුබෑම දක්නට ඇතිබව ඔහු අපට පෙන්වා දුන්නේ ලිංගික සෞඛ්‍ය පිළිබඳ කතාබහට අපේ සමාජය තුළ තවමත් ඇත්තේ බොරු බියක් සහ ලජ්ජාවක් බව පවසමිනි. දේශයේ පාඨකයන් වෙනුවෙන් මේ ලිපි පෙළ ඉදිරිපත් කිරීමේ අරමුණ වන්නේද ඔවුන් වෙත මේ අංශය පිළිබඳ නිසි දැනුමක් ලබාදීමය.

පිරිමින් අතර ලොකුම ගැටලුව ලෙස සාකච්ඡා වන අප්‍රාණිකත්වයට අමතරව තවත් ලෙඩ රෝග බොහෝමයක් ලිංගාශ්‍රිතව ඇතිවිය හැකි යි. නමුත් මේවා ගැනද කතා කරන්නට බොහෝ දෙනා මැලිකමක් දක්වයි. ඒ නිසා දුරකතනයෙන් අමතා හෝ ලිපියකින් අමතා සිය ගැටලුව ඉදිරිපත්කර බෙහෙත් ඇත්නම් ඒවාත් තැපෑලෙන් ගෙන්වා ගන්නට තරම් අපේ අය මුලාවකට පත්ව සිටිති. මේ කියන ව්‍යාජ ලජ්ජාව, මුලාව දොර හැර දෙන්නේ හොර බේත් කඩවලටය. දොස්තර නාමධාරී ජාවාරම්කරුවන්ටය. 

අප්‍රාණිකත්වය හැරුණු විට පිරිමින්ට බලපාන ලෙඩ ගණනාවක්ම දැක්විය හැකිය. පිරිමින්ගේ ප්‍රජනක පද්ධතිය ආශ්‍රිතව රෝග ඇතිකරන ප්‍රධාන ඉන්ද්‍රියන් දෙකක් ඇති බව විශේෂඥ වෛද්‍ය ආරියසේන යූ ගමගේ පෙන්වා දෙයි. ඒවා නම් වෘෂණ සහ පුරස්ථි ග්‍රන්ථීන්ය. මේ ගැන දැන් අපි පිළිවෙළින් සාකච්ඡා කරමු.

සාමාන්‍යයෙන් වෘෂණ ආශ්‍රිතව හටගන්නා පිළිකා දුලබය. ඒවා බොහෝවිට තරුණ කාලයේදී දක්නට ලැබේ. නමුත් පුරස්ථි ග්‍රන්ථි ඉදිමීම හෝ විශාල වීම මෙන්ම එම ග්‍රන්ථිය ආශ්‍රිත පිළිකා හටගැනීම වැඩිහිටි පිරිමින් අතර බහුලය. නමුත් වේලාසනින් හඳුනා ගත්තොත් මේවා සුවකරගත හැකිය.

වෘෂණ පිළිකා

මේ පිළිකාව ඉතා දුර්ලභ අතර සාමාන්‍යයෙන් වයස 15-35ත් අතර තරුණ උදවිය අතර දක්නට ලැබෙන්නකි. තම වෘෂණ කෝෂ ස්වයං පරීක්ෂාවකට ලක්කිරීම මගින් මුල් කාලයේදීම හඳුනාගතහොත් නිට්ටාවටම සුවකිරීමට දැන් හැකියාව තිබේ.
සාමාන්‍යයෙන් දරු කලල අවස්ථාවේ පිරිමි දරුවකුගේ වෘෂණ පිහිටන්නේ උදරය තුළය. එය පහළට එන්නේ පසුවය. සමහර අයගේ වෘෂණයක් එසේ පහළට පැමිණ වෘෂණ කෝෂ තුළ තැන්පත්ව නොතිබෙන්නට හැකිය. එවිට එම අවස්ථාව Undesended Testicle ලෙස වෛද්‍ය විද්‍යාව හඳුන්වයි. මෙසේ පහළට නොපැමිණ උදරය තුළ සිරවී ඇති වෘෂණ කුඩා කාලයේදීම ශල්‍යකර්මයක් මගින් නිසි තැනට ගෙන ඒමෙන් පිළිකා හටගැනීම වළක්වා ගන්නට හැකිය.

වෘෂණ පිළිකාව හටගන්නා මුල් අවදියේ දක්නට ලැබෙන්නේ වෘෂණයේ පැත්තක හටගන්නා ඝනකමැති වේදනා රහිත ගැටිත්තක් හැටියටය. තමන්ගේ වෘෂණ නිතිපතා ස්වයං පරීක්ෂාවකට ලක්කරන ඕනෑම අයකුට මෙය ලෙහෙසියෙන්ම හඳුනාගත හැකි බව විශේෂඥ වෛද්‍ය ආරියසේන යූ. ගමගේ පෙන්වා දෙයි.

සාමාන්‍යයෙන් වෘෂණ පිළිකා වේදනාකාරී වන්නේ එය ඇතිවී කලක් ගියාට පසුවය. තම වෘෂණකෝෂ තුළ මෙබඳු අස්වාභාවික ගැටිත්තක් හසුවුවහොත්, එය වේදනාවක් නැතැයි කියා නිකම් බලා නොසිට වහාම සුදුසුකම් ලත් වෛද්‍යවරයකු හමුව ඒ ගැන උපදෙස් පැතිය යුතුය. එමගින් ශල්‍ය වෛද්‍යවරයකු වෙත යොමුව පිළිකා අවදානමෙන් වැළැකිය හැකිය.

සාමාන්‍යයෙන් වෘෂණ ගැටිත්ත ඉවත්කළ පසු එතැන හිදැස පිරැවීම සඳහා කෘත්‍රිම ප්ලාස්ටික් වෘෂණයක් යොදනු ලබන බව විශේෂඥ වෛද්‍ය ආරියසේන යූ ගමගේ පෙන්වා දෙන්නේ එමගින් ශාරීරික විකෘතිතාවක් ඇතිවීම වළක්වන බව කියමිනි. එසේම අවශ්‍ය නම් වෛද්‍යවරයා ශල්‍යකර්මයට අමතරව ප්‍රතිපිළිකා ඖෂධ ප්‍රතිකාර මෙන්ම කිරණ ප්‍රතිකාරද නියම කරන්නට හැකිය.

දැන් ඉතින් මේ කතාව ඇසූ විට බොහෝදෙනා භීතියට පත්වෙන කාරණාවක් තිබේ. එනම් කෙනෙකුගේ වෘෂණයක් ඉවත්කළ විට ඔහුට තාත්තා කෙනෙක් වීමට බැරිද යන ගැටලුවය. විශේෂඥ වෛද්‍ය ආරියසේන යූ ගමගේ පෙන්වා දෙන්නේ අනෙක් වෘෂණය සෞඛ්‍යමත් තත්ත්වයක ඇත්තේ නම් එබඳු කෙනෙකුට තාත්තා කෙනෙක් වන්නට කිසිම බාධාවක් නැති බවය. 

 සුගත්

This is the one and only positive sex educational website in sri lanka and written in Sinhala language

පිරිමින්ට වින කටින ලොකුම ලෙඩේ.


අපි කතා කරන්න ගත්තේ පිරිමින්ට හැදෙන රහස් ලෙඩ ගැනයි. මේ ලෙඩ රෝග ගැන කතා කරන්න බොහෝ පිරිමි මැලිවන නිසයි මේවා රහස් ලෙඩ හැටියට පවතින්නේ. වෘෂණය ආශ්‍රිත රෝග මෙන්ම පුරස්ථි ග්‍රන්ථිය ආශ්‍රිතවත් හැදෙන ලෙඩ රෝග තමයි පිරිමින්ට දරුණුවටම බලපාන්නේ. පිරිමි වැඩි පිරිසක් ගොදුරු වන පුරස්ථ ග්‍රන්ථිය ආශ්‍රිත ගැටලු ගැනයි මේ සවිස්තරය.

පුරස්ථි ග්‍රන්ථිය මුත්‍රාශයේ පහළ කෙළවර පිහිටලා තියෙන දොඹ ගෙඩියක් තරම් ඇති අති සුවිශේෂී ග්‍රන්ථියක්. මේ ග්‍රන්ථිය ඉදිමුණහොත් නැත්නම් ප්‍රදාහ තත්ත්වයට පත්වුවහොත් මුත්‍රා ගමන අවහිර වෙනවා. ඒකට හේතුව මුත්‍රා මාර්ගයේ මුල් කොටස ගමන් ගන්නේ මෙය හරහා නිසයි. පුරස්ථි ග්‍රන්ථි ආශ්‍රිත රෝග වැඩිපුරම හැදෙන්නේ වැඩිහිටි පිරිමින්ටයි. 

විෂබීජයක් ඇතුළුවීම නිසා හටගන්නා පුරස්ථ ප්‍රදාහය (Prostatitis) පුරස්ථ ග්‍රන්ථි ඉදිමුම වගේම අද සමාජයේ පිරිමින් වැඩි ගණනක් බිලිගන්නා පුරස්ථ පිළිකාව මේ ග්‍රන්ථිය ආශ්‍රිතව හටගන්නා ප්‍රධාන රෝගයි.

පුරස්ථ ග්‍රන්ථියේ ඉදිමුම

මේ කියන තත්ත්වය වෛද්‍ය විද්‍යාවේදී හැඳින්වෙන්නේ Benign Prostatic Hypertrophy (BPH) හැටියටයි. සාමාන්‍යයෙන් අවුරුදු 50 පැන්න පිරිමි අයටයි මෙය බහුල. ඔවුන්ට මෙහිදී මූලික ගැටලුව ඇතිවෙන්නේ ලිංගික කටයුතුවලදී නොව මූත්‍රා පිටකිරීම සම්බන්ධවයි. ග්‍රන්ථිය ඉදිමීමත් සමඟ එය මැදින් ගමන්ගන්නා මුත්‍රා මාර්ගය තෙරපී සිහින් වීම නිසා මුත්‍රා ගමන් ගන්නේ හෙමින් අසීරුවෙන්ය. බොහෝවිට මූත්‍රා බර හැදී ඉක්මණින් එය අහවර කරන්නට ගියත් මුත්‍රා හොඳින් ගලායන්නේ නැත. ඒ වෙනුවට සමහර අවස්ථාවල බිංදු කිහිපයක් පමණක් පිටවන අන්දම දකින්නට හැකිය. විශේෂයෙන්ම රාත්‍රී කාලයේදී මෙය ඉතාමත් කරදරකාරී තත්ත්වයක් ලෙස බලපායි. මෙවැනි තත්ත්වයක් තිබේ නම් ඔහු වහාම පවුලේ වෛද්‍යවරයා හමුවිය යුතුයි.

එවිට වෛද්‍යවරයා ගුද මාර්ගය ඔස්සේ අත්වැස්මක් පැළැඳි දබර ඇඟිල්ල යවා පරීක්ෂාවක් සිදුකරයි. එය හැඳින්වෙන්නේ පූර්ව ගුද පරීක්ෂාව හෙවත් PR (PerRectal Examination) හැටියටය. එවිට පුරස්ථ ග්‍රන්ථිය ඉදිමී ඇත්නම් අවශ්‍ය ප්‍රතිකාර ලබාදෙනු ඇති.

සාමාන්‍යයෙන් BPH කියන මේ රෝගයට ප්‍රතිකාර වර්ග කිහිපයක්ම තිබේ. යටි බඩේ කැපුමක් දමා පුරස්ථ ග්‍රන්ථිය ශල්‍ය කර්මයකින් ඉවත් කිරීම එක් ක්‍රමයකි. මූත්‍රා මාර්ගය ඔස්සේ හැකිලුණු බැලුනයක් යවා එය පිම්බීමට ලක්කිරීම මගින් මුත්‍රා ගැලීම පහසු කිරීම තවත් ක්‍රමයකි. ලේසර් ප්‍රතිකාර මගින් පුරස්ථ ග්‍රන්ථියේ ඉදිමුණ පටක ඉවත් කිරීම තවත් ක්‍රමයකි. මේ සියල්ලට වඩා ඉදිමුණ පුරස්ථි ග්‍රන්ථිය හකුළුවන ඖෂධද අද දක්නට ලැබේ. මේ නිසා මුත්‍රා කිරීමේ අපහසුතාව පිළිබඳ මූලික ලක්ෂණ පහළ වූ වහාම සුදුසුකම් ලත් වෛද්‍යවරයකුගේ අවධානයට එය ලක්කිරීම ඉතා වැදගත්ය. අපි පුරස්ථි ග්‍රන්ථිය ආශ්‍රිත අනෙකුත් ප්‍රධාන ගැටලුව හෙවත් පිළිකාව ගැන ඊළඟට කතා කරමු.

 සුගත්

This is the one and only positive sex educational website in sri lanka and written in Sinhala language