Recent Articles

සිසුන් අතර සමාජ රෝග පැතිරීම ඉහළ ගිහින්.


පාසල් දරුවන් අතර පැතිර යන බව කියන ඇතැම් සමාජ රෝග අවම කර ගැනීමට පියවර ගන්නැයි ඉල්ලමින් අධ්‍යාපන අනධ්‍යයන සේවක සංගමය අධ්‍යාපන අමාත්‍ය අකිල විරාජ් කාරියවසම් මහතා වෙත ලිපියක් යොමුකර තිබේ.

මේ ඉල්ලීම කිරීමට මූලික වූයේ පාසල් දරුවන් අතර සමාජ රෝග පැතිර යාමේ වර්ධනයක් ඇති බැවින් බවද එහි දැක්වේ.

අනධ්‍යයන සේවක සංගමය කියා සිටින්නේ වයස අවුරුදු 13සිට ඉහල වයසේ දරුවන්ගෙන් 4%ක පමණ පිරිසක් මෙම ගැටලුවට මුහුණ පා ඇති බවයි.


මෙම තත්ත්වය වැලැක්වීම සදහා පාසල් සිසුන්ට ලිංගික අධ්‍යාපනය ලබාදීම අනිවාර්ය කරන ලෙසද එම ලිපිය මගින් කරුණු දක්වා ඇත.

This is the one and only positive sex educational website in sri lanka and written in Sinhala language

දරු ප්‍රසූතියෙන් පසු?


පළමුවෙන් ම මා සකච්ඡා කිරීමට යනුයේ ඔබ දරුවා ප්‍රසූත කළ ආකාරය අනුව ඔබට සිදුවන වෙනස්කම් සහ ඒවාට මුහුණ දෙන අාකාරය වේ. 


  • ස්වභාවික යෝනි මාර්ගික දරු උප්පත්තිය

ස්වභාවික දරු උපතකදී ඔබගේ ශ්‍රෝණි මේඛලාව සහ ගැබ් ගෙල අෑත් වීමකට ලක් වී යෝනි මාර්ගය දිගේ දරුවාගේ හිස කොටස එළියට පැමිණේ. එහිදී යෝනියද ඇදීමකට ලක්වී කෙමෙන් දරුවාගේ හිස පිටස්තර පරිසරයට පැමිණේ. ඇතැම් විට යෝනි විවරයෙහි ඉඩ ප්‍රමාණය වැඩි කිරීමට වෛද්‍යවරයා යෝනියත් ගුද මාර්යත් අතර ඇති පෙදෙසට කැපුමක් යොදනු ලැබේ. 


මෙවන් කැපුමක් සිදු කළහොත් එය සුව වන තුරු යෝනිය සහ තුවාලය ආශ්‍රිත පෙදෙස හැකි තරම් වියලිව සහ පිරිසිදුව තබා ගත යුතුය
දරු ප්‍රසූතියෙන් පසු වැදෑමහ සහ තවත් ශ්‍රාවයන් පිටවන නිසා විශේෂ සනීපාරක්ෂක තුවා පැළඳා සිටීම සුදුසු වේ.

ශ්‍රෝණි මේඛලාව සහ ගැබ් ගෙල සහ යෝනිය දිගැදුමකට පත් වීමට නැවත යතා තත්වයට පත් වීමට යම් කිසි කාලයක් වැය වේ. දෙවනුවට ඔබට ඔබගේ යෝනියේ පළමු ප්‍රසූතයට පෙර තිබූ තද ගතිය නැති බව හැඟෙනු ඇත. ඒ සඳහා ඔබ මාගේ පෙර ලිපි වල සඳහන් කීගල් ව්‍යායාම පද්ධතිය කිරීම ඔබගේ යෝනි බිත්ති යතා තත්වයට පත්කිරීමට මහත් පිටිවහලක් වනු ඇත. 


  • වෛද්‍ය සහය ආධාරයෙන් / තෝරාගත් දරු උපත් ක්‍රමවේද / සිසේරියන් සැත්කම

සිසේරියන් සැත්කම කිරීමේදී ඔබගේ යටිබඩ ප්‍රදේශයෙන් කැපුමක් සිදුකර විවෘත කොට ගර්භාෂයේද කැපුමක් යොදා දරුවා බිහිකරනු ලැබේ. මෙහිදි ස්වාභාවික දරු උපතක මෙන් සංකුලතා සිදුවීම අවම වන අතර ශ්‍රෝණි මේඛලාව සහ ගැබ් ගෙල සහ යෝනිය දිගැදුමකට පත් වීම සිදුවන්නේ නැත.

මෙහිදී සැලකිලිමත් විය යුතු කරුණ නම් මෙම සිදුකරන කැපුම සහ එම තුවාලය පිරිසිදුව සහ වියළිව තබා ගැනීමයි. 

සාමාන්‍ය දරු ප්‍රසූතියකට වඩා , සිසේරියන් සැතකමෙන් පසු යෝනිය හරහා ලේ සහ ශ්‍රාවයන් පිටවන නිසා විශේෂ සනීපාරක්ෂක තුවා පැළඳා සිටීම සුදුසු වේ.

වෛද්‍යවරුන් විසින් වේදනා නාශක සහ ඇන්ටිබයොටික් ඖෂධ ලබා දෙන අතර ඒවා නිවැරදි වේලාවට නිවැරදි මාත්‍රාවට ලබාගත යුතුය. 

කෙසේ වෙතත් අලුත දරුවකු බිහි කළ මවුවරුනට ඇති ප්‍රධානම ගැටළුව නම් දරුවාට කිරි දීමයි. මෙය මුලින් වේදනාකාරී අත්දැකිමක් වීමට වැඩි ප්‍රවණතාවක් ඇත. මක් නිසාද යත් තනපුඩු තවමත් කිරි දීමට හුරුවී නොමැති වීමත් එනිසාම එය ඉදිමීමට සහ පැසවීමට ඉඩ ඇති නිසාය. මේ සඳහා ඔබට ඔලිව් තෙල් තනපුඩු වල ආලේප කිරීමෙන් යම් සහනයක් ගත හැකිය.


  • ව්‍යායාම කිරීම

ඔබ දරුවා බිහිකරන තුරු ඔහුගේ/ඇයගේ බර දරාගෙන සිටීම උදෙසා ඔබගේ ඉරියව්ව ස්වභාවිකම වෙනස් වේ. එසේම ඔබගේ උදර මාංශපේශීන් ඉතා ඇදීමටක ලක් වේ. එවිට එම මාංශපේශීන් දුර්වල වේ. විශේෂයෙන්ම පිට කොන්ද ආශ්‍රිත මාංශපේශින් සහ උදර මාංශපේශීන් මෙලෙස දුර්වල වේ.ව්‍යායාම වලින් තොරව මෙම මාංශපේශින් නැවත යතා තත්වයට පත් කළ නොහැක. ඇතැම් විට ඔබගේ උදරයේ තිබූ ඇදුනු සලකුණු (Stretch marks) නැති නොවනු ඇත.

සාමාන්‍ය දරු උප්පතියකින් සති 6 කට පසු සුළු ව්‍යායාම වලින් පටන් ගෙන එය වර්ධනය කරගත හැකිය. එහෙත් සිසේරියන් සැත්කමකින් පසු අවම වශයෙන් මාස 3ක් වත් සිටිය යුතු වේ. මක්නිසාද යත් කැපුමකට ලක් වූ සියලු මාංශපේශීන් නැවත යතා තත්වයට පත්වීමට එතරම්ම කාලයක් යන බැවිනි. මෙම ව්‍යායාම කිරීම සඳහා සුදුසු උපදෙස් වෛද්‍යවරයාගෙන් ලබාගත හැකි අතර ලංකාව තුළ මෙම ව්‍යයාම සිදුකිරීම සඳහා ආයතන සුළු ප්‍රමාණයක් පවතී. මා ඔබට නිර්දේශ කිරන්නේ  ශ්‍රී ලංකා ජිට් කුන් ඩෝ පාසැල මගින් පවත්වන පසු ප්‍රසූති සහ කාන්තා ව්‍යායාම වැඩසටහන සඳහා සහභාගී වන ලෙසයි.


  • නැවත ලිංගික එක්වීම

දරු ප්‍රසූතියෙන් මාස 03 පමණ පසු ඔබට ලිංගිකව එක්වීමට පුළුවන. එහෙත් කිරි දෙන අවධියේදී ශරීරයේ ඊස්ට්‍රජන් හෝර්මෝනය පහළ යෑම නිසා ලිංගික ආශාව පහත වැටීමත් , යෝනි මාර්ගය වියළි බව ඇති වීමත් නිසා ලිංගිකව එක්වීම වේදනාකාරී විය හැකිය. එබැවින් ලිංගිකව එක්වන්නේ නම් ලිහිසි ද්‍රාවණයක් බාවිත කරන්නේ නම් යෝග්‍ය වේ. කෙසේ වෙතත් මේ අවධියේදි නැවතත් ඔසප් වීම ඇතිවිය හැකිවාක් මෙන්ම එය අක්‍රමවත් වීමේ සම්භාවිතාවක්ද පවතියි. තවද ඔබ නැවත ගැබ් ගැනීමේ සම්බාවිතාවක්ද පවතී. එබැවින් වෛද්‍ය නියමය මත උපත් පාලන ක්‍රම බාවිතා කරන්න. ඔබට දරුවකු සෑදීමට අවශ්‍ය නම් අවම වශයෙන් පෙර දරුවාට වසරක් වන තුරු වත් පවුල සැලසුම් කරන්න

එසේම ඔබට ලිංගිකව එක්වීම වේදනාකාරී නම් ඔබගේ සහකරු සමග සාකච්ඡා කොට සම්මුතියකට පැමිණෙන්න. ඔහුගේ ආශාවන් / අවශ්‍යතාවන් ඉවත දමන්න එපා! ලිංගිකව එක් වන වා සේම වෙනත් ආකාර වලින් ඔබගේ සහකරු සැනසිය හැකිය.

This is the one and only positive sex educational website in sri lanka and written in Sinhala language

කාන්තාවකට ලිංගික උත්තේජනය ඇති වන අයුරු පියවර 4කින්.


ලිංගිකව එක්වීම සඳහා වන උත්තේජනය කාන්තාව හා පිරිමියාට ඇතිවෙන ආකාරයේ වෙනස්වීම් පවතින බව මීට කලින් අහලා තියෙනවද? ඇත්තටම මෙම උත්තේජන කාන්තා පිරිමි ආකාරයෙන් යම් යම් වෙනස්වීම් ඇති බව තමයි වෛද්‍යවරුන් පවසන්නේ. තෘප්තිමත් ලිංගික දිවියකට මෙම වෙනස්වීම් හඳුනාගෙන සිටීම හරිම වැදගත්. පියවරෙන් පියවර අපි බලමු කාන්තාවකට ඇතිවන ලිංගික උත්තේජනය කෙබඳු ආකාරයේ එකක්ද කියා.

පළමු පියවර
කාන්තාවකගේ ලිංගික උත්තේජනයකදී පළමුව දැකිය හැකි ලක්‌ෂණය වනුයේ ඇයගේ පියයුරු උත්තේජනය වීමයි. ඉන්පසු තනපුඩු ප්‍රාණවත් වෙනවා. මෙම ලක්‌ෂණ මතුවීමත් සමඟ ඇයගේ ලිංගික ප්‍රදේශයට ගමන් කරන රුධිර ප්‍රමාණය වැඩිවෙන අතර ඒ අනුව එම ප්‍රදේශයේ ක්‍රියාකාරිත්වය ඉහළ යනවා

මෙහිදී ඉතා ඉක්‌මනින් දැකිය හැකි ලක්‌ෂණයක්‌ වනුයේ යෝනි ප්‍රදේශය තෙත්වීම. එය ලිංගික උත්තේජනයක්‌ ඇති වී තත්පර 30 ක්‌ වැනි කෙටි කාලයකදී සිදුවිය හැකියි. උත්තේජනයක් ඇතිවීමට ස්පර්ශය අත්‍යාවශ්‍ය කාරණයක් නොවන බව මතක තබා ගත යුතුයි. සිතිවිල්ලකට වුවත් ලිංගික උත්තේජනයක් ලබා දිය හැකියි.

දෙවන පියවර
මෙහිදී ප්‍රාණවත් භාවයට පත්වූ ලිංගික ප්‍රදේශයේ සක්‍රීය බව යම් පසුබෑමකට ලක්‌වූවා වැනි ලක්‌ෂණ මතුවෙනවා.

ඇතැම් දෙනා සිතන්නේ එවිට ලිංගික උත්තේජනය අප්‍රාණික වූවා කියායි.

නමුත් එය සම්පූර්ණයෙන්ම වැරදි වටහා ගැනීමක්. සිදුවී ඇත්තේ ලිංගික උත්තේජනය අප්‍රාණිකවීමක්‌ නොව ලිංගික කටයුතු සඳහා අවශ්‍ය පසුබිම සැකසී තිබීමයි. එනම් ලිංගිකව හැසිරීම සඳහා අවශ්‍ය කාලය උදාවීතිබීමයි.

තෙවන පියවර
ලිංගිකව හැසිරීමේදී කාන්තාවට මානසිකව ඇතිවන උපරිම තත්ත්වය සුරතාන්තයට පත්වීම ලෙස හඳුන්වනු ලබන බව ඔබ දන්නවා.

සුරතාන්තයේදී ඇයගේ යෝනි ප්‍රදේශයේ මාංශපේශි සංකෝචනයවීම සිදුවනවා. එය යෝනි ප්‍රදේශයෙන් පටන්ගෙන කකුල් අත් පා උදරය ප්‍රදේශය දක්‌වා පැතිර යා හැකියි.

මේ අවස්‌ථාවේදී කාන්තාවගේ රුධිර පීඩනය වැඩි වෙනවා. හෘද ස්‌පන්දනය ඉහළ යනවා. හුස්‌ම ගැනීම වේගවත් වෙලා ගැඹුරු හුස්‌ම ගැනීමක්‌ ඇතිවෙනවා.

සාමාන්‍යයෙන් සුරතාන්තයට පත්වීමෙන් පසු ඇයගේ ඇති වූ ලිංගික උත්තේජනය ක්‍රම ක්‍රමයෙන් පහව ගොස්‌ සාමාන්‍ය තත්ත්වයට පත් වෙනවා. නමුත් ඇය තුළ මතුවන හැඟීම අනුව සහ ලිංගික ක්‍රියාවේ ස්‌වභාවය අනුව නැවත වරක්‌ ඇය සුරතාන්තයට පත්විය හැකියි. එසේම ලිංගික ක්‍රියාවේ තවදුරටත් යෙදීමේ හැකියාවද පවතිනවා. මෙය පිරිමියාගේත්, කාන්තාවගේත් ලිංගික උත්තේජනයේ දැකිය හැකි වෙනසක්

කාන්තාව සුරතාන්තයට පත්වූ විට ඇයගේ යෝනි මාර්ගයෙන් පිටවන තරලය වැඩිවෙන අතර. ඇතැම් කාන්තාවනට මුත්‍රා සුළු ප්‍රමාණයක්‌ද පිට වෙනවා. මෙය අනිවාර්යයෙන්ම සිදුවන හෝ සිදුවිය යුතු දෙයක්‌ නොවන බව සිහි තබා ගත යුතුයි.

සිව්වන පියවර
සුරතාන්තයෙන් පසු කාන්තාවගේ ලිංගික ප්‍රදේශයේ ඉහිල්වූ මාංශ පේශි සහ රුධිර පීඩනය සාමාන්‍ය තත්ත්වයට පත්වීම ආරම්භ වෙනවා.

මෙලෙස කාන්තාව සාමාන්‍ය තත්ත්වයට පත්වීම ඉතා ඉක්‌මනින් සිදුවන්නේ සුරතාන්තයට පත් වූ පසුයි.

සුරතාන්තයට පත් නොවී ලිංගික කටයුතු අවසන් කරනවිට ඇයට සාමාන්‍ය තත්ත්වයට පත්වීම සඳහා වැඩි කාලයක්‌ ගත වෙනවා

This is the one and only positive sex educational website in sri lanka and written in Sinhala language

නිවැරදි ආකාරයට කොන්ඩමයක් භාවිතා කරන ආකාරය – Sinhala Video


ලංකාවේ පමණක් නෙවෙයි ලෝකයේම වඩාත්ම  ජනප්‍රිය උපත් පාලන ක්‍රමය තමයි කොන්ඩම්  කියන්නේ. බොහෝ දෙනා මේ ගැන  අහලා තිබුනත් හරියටම මේ කොන්ඩමයක්  භාවිතා කරන්නේ  කොහොමද කියා බොහෝ දෙනෙකුට අවබෝධයක් නෑ.

ඇත්තටම අපි හිතනවාට වඩා බොහෝ දේවල් කොන්ඩමයක්  භාවිතා කිරීමේදී සැලකිල්ලට ගත යුතුයි. කොන්ඩමය පැලඳීමේ සිට සංසර්ගය  අවසානයේ කොන්දමය ඉවත් කිරීම දක්වා ඔබ සැලකිලිමත් විය යුතු කරුණු පහත වීඩියෝවෙන් ඔබට දැනගත හැකියි .

This is the one and only positive sex educational website in sri lanka and written in Sinhala language

වයසට ගැළපෙන්න ‘Bra’ තෝරාගන්නේ මෙහෙමයි.


බොහෝ අය සිතාගෙන සිටින්නේ යට ඇඳුම් පිටතට නොපෙනෙන නිසා ඒවා ගැන එතරම් සැලකිලිමත් විය යුතු නැහැයි කියායි. නමුත් එය ඉතාම වැරදි කල්පනාවක්. කොච්චර වටිනා, ලස්සන ඇඳුමක් ඇන්දත් යට ඇඳුම් වැරදි විදිහට තෝරාගෙන තිබෙනවානම් අර උඩු ඇඳුමේ සුන්දරත්වයත් නැති වී යාම තමයි සිදු වන්නේ.
මේ ලිපියෙන් ඔබව දැනුවත් කරන්නට බලාපොරොත්තු වන්නේ විවිධ වයස් කාණ්ඩයන්ට වැඩිපුරම සුදුසුවන්නේ කුමන ආකාරයේ ‘බ්‍රා’ ද යන්නයි.

ටීන් ඒජ්


ටීන් ඒජ් වියේ පසුවන දියණිවරුන් තමාගේ සිරුර එල්ලා නොවැටෙන වගේම පපුව විශාලකර නොපෙන්වන බ්‍රා තෝරා ගතයුතුයි. පියයුරු අතර ඇති රේඛාව (ක්ලීවේජ්) අනවශ්‍ය තෙරපුමකට ලක් නොවන බ්‍රා ඔබට වැඩි සුන්දරත්වයක් එක් කරනවා.

තරුණ විය


තරුණ වියේ පසුවන යුවතියන්ට ආකර්ෂණීය බවක් ගෙන එන්නේ පියයුරු අඩක් වැසෙන සේ ඇති බ්‍රා විශේෂයයි. එසේම කාර්යාලීය සේවයේ නියුතු නිතර සාරියකින් හැඩවන කාන්තා ඔබට ඔබේ සිරුරේ හැඩය හා ප්‍රමාණය අනුව ‘ඩී කප්’ හෝ ඊට විශාල ප්‍රමාණයේ කප් සහිත බ්‍රා ගැළපෙනවා. ඔබට සිරුරේ හැඩයට හා සසඳන විට එතරම් නොවැඩුණ පියයුරු යුවළක් ඇත්නම් පැඩඩ් බ්‍රා තෝරා ගත හැකියි.

කිරි දෙන මවක් නම්


ඔබ කිරිදෙන මවක් නම් එසේත් නැතිනම් අසාමාන්‍ය මහතක් ඇති යුවතියක් නම් ඔබ අඳිනා බ්‍රා එක මඟින් ඒ බව සඟවන්න අවශ්‍ය නැහැ. බ්‍රා කප් යටින් කුඩා වයරයක් ඇති බ්‍රා තෝරා ගැනීමට තරම් ඔබ දැනුවත් විය යුතුයි. එවැනි බ්‍රා මඟින් පියයුරුවලට කදිම සහයෝගයක් ලැබෙනවා.

සාදයකට/ උත්සවයකට සහභාගී වන විට


ඔබ සාදයකට හෝ උත්සවයකට සහභාගි වන යුවතියක් නම් ඔබේ උඩ ඇඳුමකින් බ්‍රා පටිය පිටත පනින ආකාරයට ඇඳුම නොඇඳීම වැඳගත්. ඒ සඳහා ඔබ කළයුත්තේ බ්‍රා පටි රහිත පැඩඩ් බ්‍රා පමණක් ඇඳීමයි. පැඩඩ් බ්‍රා තෝරා ගැනීමේදී අඟල් 28 සිට අඟල් 44 දක්වා ලබා ගන්න පුළුවන්. සාමාන්‍යයෙන් අඟල් 32 අඳින යුවතියක් පැඩඩ් බ්‍රා එක තෝරා ගත යුත්තේ අඟල් 36 ප්‍රමාණයෙන්. එමෙන්ම වයර් සහ ලේස් බ්‍රා සඳහා ද මේ දිනවල ඉහළ ඉල්ලුමක් පවතිනවා

This is the one and only positive sex educational website in sri lanka and written in Sinhala language

ප්‍රථම හාදුව දෙන්නට පෙර දැනගත යුතු දේවල් 10ක්.


පෙම්වතාගෙන් හෝ පෙම්වතියගෙන් ලැබෙන ප්‍රථම හාදුව කියන්නේ අපේ ජීවිතයේ කිසිදාක නොමැකෙන සමරු සටහනක් වගේ දෙයක්. නමුත් ඔබට ඒ මොහොත හරියට ග්‍රහණය කරගන්න බැරි වුනොත් එය පසුතැවීම, කලකිරීම වැනි සෘණාත්මක හැඟීම් ඉතිරි කරන දෙයක් බවට පත්වේවි. ඒ නිසා ප්‍රථම හාදුවට පෙර පහත දේවල් ගැන සැලකිලිමත් වී සිටීම ඇඟට ගුණයි.


  • ඔබේ පෙම්වතිය/පෙම්වතා සිපගැනීමකට සූදානම් වී සිටීම

මෙහිදී ඔහු හෝ ඇය සිප ගැනීමක් ලබන්නට කැමැත්තෙන් සිටින මොහොතක් වීම අනිවාර්යයයි. ඔබ දෙදෙනා එකිනෙකා හා ස්පර්ශ වෙමින් සුහද ලෙස කතා බහක යෙදී සිටින, සිනා සෙමින් සිටින අවස්තාවක් මේ සඳහා වඩා සුදුසුයි.


  • ඔබේ හුස්ම දුර්ගන්ධයෙන් තොර වීම

මතක හිටින ආකාරයේ මිහිරි සිප ගැනීමකට දුර්ගන්ධයෙන් තොර හුස්මක් තිබිය යුතු බව අමුතුවෙන් කිව යුතු නැහැ. මේ සඳහා ඔබ ඔබේ මුඛ සෞඛ්‍යය ගැන සැලකිලිමත් වී තිබිය යුතුයි.


  • සිප ගැනීමකට සුදුසු පරිසරයක සිටීම

සෙනග ගැවසෙන, තදබදයක් සහිත, ඝෝෂාකාරී පරිසරයක් සිප ගැනීම සඳහා කොහෙත්ම සුදුසු නැහැ. ඒ නිසා එම අවස්ථාවට ගැළපෙන ප්‍රේමණීය පරිසරයක් ඇති ස්ථානයක් ඔබ විසින් තෝරාගෙන තිබිය යුතුයි.


  • සිරුරෙන් නිකුත් වන සුවඳ

මුඛ සෞඛ්‍ය ගැන අපි මීට කලින් කතා කළා. ඒ පමණක් නෙවෙයි ඔබේ සිරුරෙන් දහදිය ගඳ වහනය වනවානම් එය ඔබේ පෙම්වතාට/පෙම්වතියට අප්‍රසන්න අත්දැකීමක් වන්නට පුළුවන්. ඒ නිසා පිරිසිදුව, පිළිවෙලකට ඔහු හෝ ඇය ඉදිරියේ පෙනී සිටීම වැදගත්.


  • සිප ගැනීමකට සුදුසු ආකාරයෙන් සමීපව සිටීම

සිප ගන්නා විට ඔබ දෙදෙනා ඉතා සමීපව සිටීම ඉතාම ප්‍රේමණීය වනවා.


  • මෘදු ලෙස ආරම්භය ගැනීම

කලබලය මෙන්ම ආවේගශීලී වීම මෙවන් මොහොතකට කිසිසේත්ම ගැලපෙන්නේ නැහැ.


  • දෑත්වල පිහිටීම

සිප ගන්නා විට ඔබේ දෑත් ඔහුගේ හෝ ඇයගේ සිරුර වටා එතී තිබීම ඔවුන්ට සුරක්ෂිත හැඟීමක් ගෙන දේවි.


  • දිව භාවිතා කිරීම

ප්‍රථම හාදුවෙදී තම පෙම්වතා අනවශ්‍ය ආකාරයට දිව භාවිතා කිරීම කාන්තාවන්ගේ නොරිස්සුමට ලක්වන බවයි කියැවෙන්නේ. ඒ නිසා ඇයට අප්‍රසන්න හැඟීමක් ගෙන නොදෙන ආකාරයට එය පාලනය කරගැනීම වැදගත්.


  • හාදුවේ වේලාව

හාදුවක් කොපමණ වෙලාවක් පුරා දිය යුතුද යන්න පිලිබඳ නිශ්චිත මිනුමක් නැහැ. ඔබ දෙදෙනා කැමති, පහසුවෙන් සිටිය හැකි ඕනෑම වෙලාවක් පුරා ඔබට සිප ගැනීමේ නිරතව සිටිය හැකියි.


  • හාදුවෙන් පසු හැසිරීම

මෙය ඉතාම වැදගත් අවස්ථාවක්.  සිප ගැනීමෙන් පසුවත් එකිනෙකා හා මිත්‍රශීලීව සිටින්නට ඔබ වග බලාගත යුතුයි. තැති ගැනීමෙන් හා කලබලකාරීව සිටිය යුතු නැහැ. හාදුවෙන් පසුව ‘මම මේ මොහොත වෙනකල් බලාගෙන හිටියා’ වැනි යමක් පැවසීම සුදුසුයි. එසේත් නැත්නම් සාමාන්‍ය ආකාරයට කතා බහක් පටන් ගැනීම කළ හැකියි.

This is the one and only positive sex educational website in sri lanka and written in Sinhala language

ලිංගිකව හැසිරීම පිලිබඳ කාන්තාවන්ට ඇති, පිරිමින් නොදන්නා සුලබ ගැටළු 10ක්.


ලිංගික ගැටළු කාන්තා, පිරිමි භේදයකින් තොරව ඕනෑම අයෙකුට තිබෙන්න පුළුවන්. නමුත් කාන්තාවන්ගේ ස්වරූපය තමයි එවන් ගැටළුවක් ඇතිවූ විට ලැජ්ජාව නිසා ඒවා සඟවාගෙන සිටීම. මේ ලිපියෙන් කියැවෙන්නේ කාන්තාවන්ට සුල ලිංගිකව හැසිරීම සම්බන්ධව ඇති ගැටළු කිහිපයක්. මේවා ගැන දැනගෙන සිටීම වැදගත් වෙන්නේ පුරුෂ පාර්ශවයට තමයි.

  • දරුවෙක් ලැබුණ පසු ලිංගිකව හැසිරීමට ඇති අකමැත්ත
  • ඒකාකාරී බව නිසා ලිංගිකව හැසිරීම එපා වීම
  • විවාහයේ වගකීම් සමඟ දෙදෙනාට තනිව සිටින්නටවත් වේලාවක් නොමැති වීම.
  • ආර්තවහරණය නිසා ඇතිවන හෝර්මෝන වෙනස් වීම හේතුවෙන් ලිංගිකව හැසිරීම කරදරයක් සේ දැකීම.
  • ආර්තවහරණය හා ඒ වයසට ලංවන විට යෝනි මාර්ගය වියළි ස්වභාවයක් ගැනීම නිසා ලිංගික එක්වීම වේදනාකාරී වීම.
  • සැමියා නිල් චිත්‍රපට නැරඹීමට හුරු වී සිටීම.
  • සැමියා ඉක්මනින් සුරතාන්තයට ලංවීම සහ බිරිඳට සුරතාන්තයක් ලබා දීමට ඔහු අපොහොසත් වීම.
  • සැමියා යහනේදී විවිධාකාර අප්‍රසන්න නම් වලින් බිරිඳව ඇමතීම.
  • සැමියාට ගුද මාර්ග සංසර්ගය කිරීමට උවමනා වීම සහ එය බිරිඳට ඉතාම වේදනාකාරී වීම.
  • නිතරම මුඛ සංසර්ගයට අදාළ දේවල් කරන ලෙස සැමියා විසින් බිරිඳට පැවසීම.

අප සෑමවිටම කියනවා මෙන් මෙවන් තත්වයන් ඔබේ යුග දිවිය තුළ පැවතීම එය පසුකාලීනව දෙදරා යන්නත් හේතුවක් වන්නට පුළුවන්. ඒ නිසා සෑමවිටම කළ යුත්තේ දෙදෙනා කතා බහ කර පවතින ගැටළු හඳුනාගැනීමයි. අවශ්‍ය නම් ඔබට වෛද්‍යවරයෙකු මුණ ගැසී උපදේශනයන්ද ලබා ගැනීමට හැකියි. මේවා විසඳාගෙන සාර්ථක යුග දිවියක් ගෙවීමට ඔබට අවශ්‍ය වන්නේ එකිනෙකා කෙරෙහි ඔබ තුල පවතින ආදරය, සෙනෙහස සහ ගෞරවයයි.

This is the one and only positive sex educational website in sri lanka and written in Sinhala language

පොස්ටිනෝර් 2 ගැන දැනුවත් විය යුතු කරුණු 6ක්.


පොස්ටිනෝර් 2 කියන නම  මේ සටහන කියවන ඔයාලා හැමෝම  වගේ අහල නම් ඇති. ඒත් ඒ ගැන හරියටම දන්න අය නම්  ගොඩක්  අඩු ඇති. එහෙනම් බලමු මොකක්ද  මේ  පොස්ටිනෝර් 2  කියන්නේ කියලා

පොස්ටිනොර් 2 කියන්නේ  හදිසි  උපත් පාලන පෙත්තකට. ඉංග්‍රීසි භාෂාවෙන් මේවා Emergency Constructive Pills එහෙමත් නැත්නම් ECP  කියලා හඳුන්වනවා. මේවායෙන් වෙන්නේ හදිසියේ සිදුවුණ අනාරක්ෂිත ලිංගික හැසිරීමකට පස්සේ කාන්තාවක් ගැබ් ගැනීමෙන් වළක්වන එකයි.

මේ පෙතිත් සාමාන්‍ය උපත් පාලනයට භාවිතා කරන ‘මිතුරි’ වගේ පෙති වගේම හෝර්මෝන පෙති තමයි.ඒත් සාමාන්‍ය පෙත්තකට වඩා අධික හෝර්මෝන මාත්‍රාවක් මේ ECPවල තිබෙනවා. ඒ වගේම සක්‍රිය භාවයත් වැඩියි. ඒ නිසා මේවා නිතර නිතර ගැනීම කොහෙත්ම නොකළ යුතු දෙයක්.

පෙති දෙකක් අඩංගු කාර්ඩ් එකක් හැටියට මේවා වෙළෙඳපොළෙන් මිලට ගන්න පුළුවන්. ඉතින් අනාරක්ෂිත ලිංගික එක් වීමක් වුනානම් හැකි ඉක්මනින් ඒ කියන්නේ පැය 72 ක් ඇතුලත මේ පෙති දෙකෙන් එක පෙත්තක් ගත යුතුයි.ඒ වගේම දෙවෙනි පෙත්ත ගත යුත්තේ පලවෙනි පෙත්ත අරන් පැය 12ක් ඇතුලත.

හරියට පෙති ගත්තොත්  කළලයක් ඇතිවීමේ  සම්භාවිතාව 90%කින් පමණ අඩු කරගන්න පුළුවන්.


  • ක්‍රියා කරන්නේ මෙහෙමයි

පොස්ටිනෝර් 2 කියන්නේ හෝර්මෝන පෙති  වර්ගයක් කියල කලින් කිව්වනේ. මේවගේ අඩංගු  වෙන්නේ ප්‍රොජෙස්ටරෝන් හෝර්මෝනය. හැබැයි ප්‍රොජෙස්ටරෝන් හෝර්මෝනය විතරක් අඩංගු වගේම ඊස්ට්‍රජන් හා ප්‍රොජෙස්ටරෝන් හෝර්මෝන දෙවර්ගයම අඩංගු පෙති වෙළෙඳ පොලේ නම් තියෙනවා.

මේ පෙති ගත්තම සිද්ධ වෙන්නේ මෙන්න මේකයි.  අර කිව්ව හෝර්මෝන ඇඟට  ඇතුළු  වෙලා  ඩිම්බ මුදා හරින එක ප්‍රමාද කරවනවා එහෙමත් නැත්නම් සම්පූර්ණයෙන්ම නවත්තලා දමනවා. සරලව කිව්වොත් ශුක්‍රාණුයි  ඩිම්බයි එකිනෙකට මුණ ගැසීමේ හැකියාව අඩු කරලා දානවා.


  • භාවිත නොකළ යුතු අවස්ථා

එහෙම විශේෂ අවස්ථාවන් නැහැ. ඒත් කිරි  දෙන අම්මා කෙනෙක් මේවා භාවිතයට  ගන්නවා නම් වෛද්‍යවරයෙකුගේ උපදෙස් පැතීම නුවණට හුරුයි.


  • වමනය යාම

සමහරුන්ට පලවෙනි පෙත්ත අරන් පැය දෙක තුනකට පස්සේ වමනය යාමක් සිද්ධ වෙන්න පුළුවන්. එහෙම වෙලාවට කලබල නොවී ආයෙත් පෙති ගැනීමයි කරන්න ඕන. වමනය යාම අඩු කරන්න කිරි බොන්න පුළුවන්. ඕන නම් පෙති දෙකට එක පාර ගත්තත් වරදක් නැහැ


  • අතුරු ආබාධ

ඔක්කාරය, වමනය, ක්ලාන්ත ගතිය, හිස රදය සහ පියයුරුවල ඇතිවන වේදනාව වගේ තත්වයන් කිහිපයක් මේ පෙති ගත්තාට පසු ඇති වන්නට පුළුවන්.


  • මිත්‍යා මත

සමහරු අතර  මතයක් තියෙනවා මේ පෙති ගැනීමෙන් ගබ්සා වීමක්  සිදුවනවා කියලා. නමුත් ඒක සම්පූර්ණයෙන්ම වැරදියි. ගබ්සාවක් කියන්නේ  ඇති වෙලා තියෙන කළලයක්  විනාශ  කිරීම. නමුත්  මේ පෙතිවලින්  වෙන්නේ කලින් කිව්වා වගේ  කළලයක් ඇති වීම වැලැක්වීමයි.

This is the one and only positive sex educational website in sri lanka and written in Sinhala language

කාන්තා පියයුරුවලට පිරිමින් මේ හැටි කැමති ඇයි? – නියම හේතුව මෙන්න.


පිරිමින් කොහොමත් කාන්තාවන්ගේ පපු ප්‍රදේශය දෙස බලන්නේ විමසිල්ලෙන්. මේ ආකාරයට පියයුරුවලට ඔවුන් විශේෂ සැලකිල්ලක් සහ අවධානයක් දෙන්නේ ඇයි? මේ ලිපිය අවසානයේදී සෑහීමකට පත්වෙන්න පුළුවන් පිළිතුරක් ඔයාලට ලැබේවි. කියවලාම බලමුකෝ එහෙනම්.

කාන්තා පියයුරුවල ප්‍රධානම කාර්යය වන්නේ ළදරුවෙක් පෝෂණය කිරීමට මව් කිරි ලබාදීම ලෙස සැලකුවත් ලිංගික හැඟීම් උද්දීපනය ද පියයුරුවල මූලික කාර්යයක් ලෙස පිළිගැනෙනවා. ‘නිරුවත් වානරයා’ පොත රචනා කළ ඩෙස්මන්ඩ් මොරිස් පවසන්නේ පියයුරුවල එකම කාර්යය මව් කිරි ලබා දීම නම් ඒවා අනෙක් සතුන්ගේ මෙන් වඩා දිගැටි හැඩයට පිහිටා තිබිය යුතු බවයි.



ළදරුවා තනපුඩුවලින් කිරි උරා බොන විට මවගේ මොළයෙන් ‘ඔක්සිටොසින්’ හෝර්මෝනය ශ්‍රාවය වනවා. මේ  හෝර්මෝනය ‘ආදර හෝර්මෝනය’ ලෙසත්  හැඳින්වෙනවා. මෙහිදී සිදුවන්නේ ඔක්සිටොසින් ශ්‍රාවය වීම නිසා කිරි දෙන මවත් කිරි උරා බොන ළදරුවාත් අතර දැඩි  බැඳීමක් ඇතිවීමයි. ළදරුවා කිරි උරාබොන සම්පූර්ණ කාලසීමාව තුලදී මවට ඔහු කෙරෙහි වැඩි අවධානයෙන් සිටීමටත් මෙම හෝර්මෝනය තමයි උපකාරී වන්නේ.

ඉතින් ලිංගික කටයුතුවලදී තනපුඩු උත්තේජනය මගින් ද ඉහත ආකාරයේ බලපෑමක් ඇතිවන බවයි ඇතැම් පර්යේෂකයන් මත පල කරන්නේ. එවිට එම කාන්තාවට තම සහකරුවා සමඟ වඩාත් ප්‍රේමණීය ඇසුරක් ලබා ගත හැකියි. එය දෙදෙනා අතර ඇති බැඳීම සහ ආදරයද වර්ධනය කරනු ලබන බව අමුතුවෙන් කියන්න ඕන නැහැ.

පිරිමින් කාන්තා පියයුරුවලට ආකර්ෂණය වීමට මෙම කාරණාව දැඩිව බලපාන බව තමයි ඒ පර්යේෂකයන් පවසා සිටින්නේ.





This is the one and only positive sex educational website in sri lanka and written in Sinhala language

ආදරයට නිරුවත් photos මොකටද?


ආදර සබඳතාවක් තුල ඇති ආදරය, සෙනෙහස මෙන්ම එකිනෙකා කෙරෙහි ඇතිවන සරාගය ආදී මේ සියළුම දේවල් ඉතාම සුන්දර මානුෂීය හැඟීම්. තමන් ආදරය කරන කෙනාගේ ඡායාරූපයක් තමන් ළඟ නිතරම තබා ගන්න ඕනෑම කෙනෙක් කැමතියි. තාක්ෂණයේ වේගවත් දියුණුව මෙන්ම බහුතරයක් තරුණ තරුණියන්ගේ අතට smart phones පැමිණීම නිසා තමන් ගත කරන සුන්දර මෙන්ම විශේෂ අවස්ථා එසැණින් තම ප්‍රේමවන්තයා/ප්‍රේමවන්තිය වෙත යැවීමට නවීන පරම්පරාවට පුළුවන්.

මේ නිසා බිහිවී තිබෙන එක් ප්‍රවණතාවක් ලෙස තමන්ගේ අද නිරුවත් හෝ අඩ නිරුවත් ඡායාරූප, විශේෂයෙන්ම නිරුවත් selfie ප්‍රේමවන්තයා හෝ ප්රේමවන්තියට යැවීමට කටයුතු කිරීම දක්වන්නට පුළුවන්.

මෙම ප්‍රවණතාව නිසා යහපතකට වඩා සිදුවන්නේ අයහපත් දේවල්ම බව ඔප්පු කර පෙන්විය හැකි ඕනෑ තරම් උදාහරණ පසුගිය කාලය පුරාවට මාධ්‍ය මගින් අසන්නට දකින්නට ලැබුණා. එම නිසා එවන් ඡායාරූප එවන ලෙස ඉල්ලා සිටීමට මෙන්ම ඒවා ජංගම දුරකථන මෙන්ම ස්කයිප් හරහා යැවීමට පෙරපහත දෑ පිලිබඳ යලි යලිත් සිතා බලන්න.ඒ ඔබේ යහපත උදෙසාමයි.

  • ඔබ යවන ඡායාරූපය වැරදීමකින් වෙනත් අයෙකුගේ අංකයට send වුවොත්?
  • කවුරුන් හෝ ඔබේ ජංගම දුරකථනය සොරකම් කළහොත්?
  • ජංගම දුරකථනය අලුත් වැඩියා කිරීමකට බාර දුනහොත්?
  • ඔබේ අවසරයකින් තොරව ඔබේ ජංගම දුරකථනය කවුරුන් හෝ පරිහරණය කළහොත්? 

ඉහත දක්වා ඇති සෑම අවස්ථාවකදීම ඔබේ පෞද්ගලික ඡායාරූප තුන්වෙනි පාර්ශවයක් අතට පත්විය හැකියි. ඔවුන් ඒවා කුමන අරමුණු සඳහා යොදාගනිවිද කියා ඔබට කලින් උපකල්පනය කිරීමට හැකිද? ඔවුන් ඒවා තවත් අය අතට පත් නොකරාවි යැයි ඔබට තිබෙන සහතිකය කුමක්ද? එසේ වුවහොත් ඔබේ ප්‍රතිරූපයට සිදුවන්නේ කුමක්ද? අවසානයේදී ඔබට සිදුවන්නේ අනවශ්‍ය ප්‍රශ්න හා කරදර බොහොමයක් විසඳාගැනීම වෙනුවෙන් ඔබේ කාලය නාස්ති කිරීමට සිදුවීමයි. එය කොතරම් මානසික වශයෙන් හිරිහැරයක්ද කියා අමුතුවෙන් කිව යුතු නැහැ.

අනෙක් අතට පැවසිය යුතු තවත් ඉතාම වැදගත් කාරණයක් තිබෙනවා. සම්බන්දතා ඇති වීම හා නැති වී යාම සාමාන්‍ය මෙන්ම ස්වාභාවික දෙයක්. ජීවිතයේ ස්වභාවය එයයි. අප හා මේ මොහොතේදී ආදරයෙන් සිටින පුද්ගලයා යම් යම් හේතූන් මත අපෙන් ඈත් වීම සිදු විය හැකියි. ඉතින් එවන් අවස්ථාවක ඉහතින් සඳහන් කළ ආකාරයේ අතිශය පෞද්ගලික ඡායාරූප නිසා සිදු විය හැකි හානිය ඇති විශාලයි. අන්තර්ජාලයේ විශේෂයෙන්ම ෆේස්බුක් අඩවිය තුල ඇති ඇතැම් ඡායාරූප අඩංගු පිටු හා ගිණුම් දෙස බැලූ විට මා මේ කියන්නේ අසත්‍යයක් නොවන බව ඔබටම වටහා ගත හැකියැයි සිතනවා.

ඒ වගේම මේ ලිපියේ අරමුණ වන්නේ ඔබ විසින් අනෙක් පාර්ශවය සැක කළ යුතු බව පැවසීම නෙවෙයි. ප්‍රේම සම්බන්ධතාවක් සඳහා එකිනෙකා කෙරෙහි විශ්වාසය තැබීම අත්‍යාවශ්‍යයි. එහෙත් එම විශ්වාසය ඔප්පු කර පෙන්වීමට නම් ඔබේ නිරුවත් හෝ අද නිරුවත් ඡායාරූප එවිය යුතුයැයි යමෙකු ඔබට පවසනවානම් එම ඉල්ලීම තුළ සැබවින්ම ඇත්තේ ආදරයද නැත්නම් වෙන කිසිවක්ද යන්න සිතා බැලීම ඔබට බාරයි.

එමෙන්ම ඔබ දෙදෙනා කොතරම් නිවැරදි වුවත් එවන් ඡායාරූප නොහොබිනා අරමුණු ඇති තුන්වන පාර්ශවයක් අතට පත්වුවහොත් ඔබ දෙදෙනාගේ නිර්දෝශීභාවයෙන් කිසිදු පලක් වන්නේ නැහැ. එම නිසා එක් මොහොතක සතුට වෙනුවෙන්  අනවශ්‍ය කරදරවලට පැටලීමෙන් වැළකී සිටින්නට ඔබ කටයුතු කරනවානම් එයින් යහපතක් අත්වන්නේ ඔබටමයි.

This is the one and only positive sex educational website in sri lanka and written in Sinhala language

ස්ත්‍රීන්ට ඇති ප්‍රධානම ලිංගි.ක ගැටළු සහ ඒවාට බලපාන හේතු


ස්ත්‍රීන්ට ඇති වන ලිංගික ගැටළු අතර ලිංගික ක්‍රියාවලිය අප්‍රිය වීම, එමගින් කිසිදු උද්දීපනයක් සිදු නොවීම, සුරතාන්තය කරා ලඟා නොවීම සහ ලිංගික ක්‍රියාවලිය ඉතා වේදනාකාරි වීම මුල් තැනක් ගන්නවා. ලෝකයේ ස්ත්‍රීන් විශාල ප්‍රතිශතයකට ලිංගික ගැටළු මතුවන නමුත්, ඒ ගැන විවෘතව සාකච්ඡා කිරීමට ඇති බිය සහ ලැජ්ජාව නිසා බොහෝ දෙනෙක් නිශ්ශබ්දව එත සිතින් දුක් විඳිමිනුයි සිටින්නේ. සමහර ස්ත්‍රීන් සත්‍ය තත්වය සඟවා වෙනත් රෝග ලක්ෂණ වෛද්‍යවරයාට පවසන බවයි බොහෝ විට දක්නට ලැබෙන්නේ.

මෙලෙස යම් ලිංගික ගැටළුවක් පවතී නම් සුදුසුකම් ලත් වෛද්‍යවරයකු සමග හෝ මානසික වෛද්‍යවරයකු සමග ඒ පිළිබදව සාකච්ඡා කිරීම වැදගත්. ඒ ආකාරයට යුවල ප්‍රතිකාර, ලිංගික ක්‍රියාවලිය පිළිබද දැනුවත් කිරීම, උපදේශනය හා සහයෝගය ලබා දීම සිදු වනවා.


  • ලිංගික ක්‍රියාවන් සඳහා ආශාවක් නැතිවීමට බලපාන හේතු

ලිංගික ක්‍රියාවලියට ආශාවක් නැති වීම නොයෙක් හේතු නිසා ඇති වෙන්න පුළුවන්. උදාහරණ ලෙස  මානසික ආතතිය, විශාදය, ශාරීරික තෙහෙට්ටුව, ගර්භනීභාවය හෝ ආර්තවහරණය (රුධිරයේ හෝමෝන මට්ටම වෙනස් වීම නිසා) කලින් ඇති වූ අහිතකර ලිංගික අත්දැකීම් සහ අනයෝන්‍ය බැදීම් නිසා ඇති වූ ගැටළුත් මෙයට බලපානවා. මෙලෙස ලිංගික ක්‍රියාවලියට ඇති බලවත් අකමැත්ත හේතුවෙන් ලිංගික සහකරු ඇයව අනවශ්‍ය සැක කිරීම, පීඩාවට පත් කිරීම මෙන්ම ඔවුන් දෙදෙනා අතර වෙනත් ආකාරයේ ප්‍රශ්න ද පැන නැගිය හැකියි.

ස්ත්‍රීයක් සූරාන්තයට නොපැමිණීම එම ස්ත්‍රීයට මෙන්ම ඇගේ ස්වාමියාට ද ප්‍රශ්නයක් වෙන්නට පුළුවන්.  ඒ ඇයට සතුටක් ලබා දීමට නොහැකි වීම පිළිබද ඔවුට ඇතිවෙන මානසික පීඩාවයි. නමුත් සෑම ස්ත්‍රීයක්ම ලිංගික ආශ්වාදය ලැබීම සදහා සුරතාන්තයට යාම අත්‍යවශ්‍ය වන්නේ නැහැ. මේ තත්වය තේරුම්ගත් විට එමගින් මානසික ගැටළු ඇති වීම අවම එනවා.නමුත් පෙර සූදානම් ක්‍රියා එනම්, ස්පර්ශ කිරීම, වැළද ගැනීම, සහ හාදු දීම තුළින් තම බිරිද සතුටු කර ඉන්පසු ලිංගික සංසර්ගයේ යෙදීම පිරිමියා සතු යුතුකමක්.


  • ලිංගික සංසර්ගයේ දී ඇති වන වේදනාව

මෙහිදී, යෝනි මාර්ගය අවට පේශීන් තද වීම නිසා ලිංගික සංසර්ගයේදී ස්ත්‍රීයට තද වේදනාවක් ඇතිවනවා. යෝනි මාර්ගය තුළට ඇගිල්ලක් පවා ඇතුල් කල නොහැකි තත්වයක් හටගන්නවා. මෙය එම යුවලට ඉතා අසහනකාරී අත්දැකීමක් වන බව අමුතුවෙන් කියන්න අවශ්‍ය නැහැ.

මෙයටත් කලින් කීවා සේ විවිධ මානසික හේතු, ලිංගික ක්‍රියාවලියට ඇති බය, බැදීම් පිළිබද ගැටළු, ගැබ්ගනී යන බිය හෝ යෝනි මාර්ගයේ ආසාදන හේතු ලෙස දක්වන්නට පුළුවන්.

මෙම ගැටළුව උපදේශනය, ලිංගිකත්වය පිළිබද දැනුවත් කිරීම සහ මස් පිඩු ඉහිල් කිරීමේ ව්‍යායාම තුළින් විසදිය හැකියි. සමහර විට විවිධ ඖෂධ යොදා ගැනීම තුළ බිය / චකිතය නැති කිරීම සිදු වනවා.

ලිංගික සංසර්ගයේදී ඇති වන වේදනාව, ආර්ථවහරණයෙන් ඊස්ට්‍රජන් හෝමෝනය  අඩු වීම නිසාත් මතු වන්න පුළුවන්. මෙහිදී, යෝනි මාර්ගය අධික වියළි බවක් ගන්නවා.  මෙවන් අවස්ථා වල යොදාගත හැකි ලිහිසි ජෙලි වර්ග වෙළදපොලෙන් පහසුවෙන් මිලදී ගැනීමේ හැකියාව තිබෙනවා.  එවන් දෑ යෝනි මාර්ගයේ, ශිෂ්නයේ  ආලේප කිරීම තුළින් මෙම අපහසුව මග හරවා ගන්නට පුළුවන්.

This is the one and only positive sex educational website in sri lanka and written in Sinhala language

මංගල රාත්‍රිය වෙනුවෙන් යට ඇඳුම්තෝරාගැනීමේදී සැලකිය යුතු කරුණු.


විවාහයෙන් පසු බිරිඳ හා සැමියා ලෙස ගත කරන ප්‍රථම රාත්‍රිය වඩාත් සුන්දර සහ මතකයේ රැඳෙන රාත්‍රියක් බවට පත්කරගැනීමට උපකාරී වන එක් දෙයක් තමයි බිරිඳ විසින් ඒ අවස්ථාවට ගැළපෙන යට ඇඳුම් එසේත් නැතිනම් කොමුපිළි ඇඳීම. මේ ලිපියෙන් අපි සාකච්ඡා කිරීමට බලාපොරොත්තු වන්නේ මංගල රාත්‍රිය වෙනුවෙන් යට ඇඳුම් තෝරාගැනීමේදී කාන්තාවන් විසින් සැලකිලිමත් විය යුතු කරුණු කිහිපයක් ගැනයි.


  • ඔබේ ශරීරයේ හැඩය පිලිබඳ සැලකිලිමත් වන්න.

ඔබ තෝරාගන්නා යට ඇඳුම කුමක් වුවත් එය ඔබේ ශරීරයට ඉතා හොඳින් තදවන එමෙන්ම ඔබට සුවපහසුවක් ගෙන දෙන ඇඳුමක් විය යුතුයි.


  • සරාගික ඇඳුමක් තෝරාගන්න

මෙය ඔබ දෙදෙනාගේනම් හැඟීම් වඩාත් රසවත් කිරීමට හේතුවක් වේවි.

ශරීරයේ ලාලිත්‍යය කැපී පෙනෙන සුළු ඇඳුමක් තෝරාගන්න
ලේස්, සැටින් අල්ලා හැඩ ගන්වා ඇති යට ඇඳුම්, එමෙන්ම ඔබේ ශරීර වර්ණයට ගැළපෙන පැහැයක් සහිත සිනිඳු ඇඳුම් ඔබට ස්වාභාවිකවම ලැබී ඇති කාන්තා ලාලිත්‍යය වඩා ඔප් නංවාවි.


  • ඔබට දැරිය හැකි මිල පරාසයන්හි ඇති ඇඳුම් තෝරාගන්න.

මේ සඳහා අනවශ්‍ය ආකාරයෙන් වියදම් දැරීමට කිසිසේත්ම අවශ්‍ය නැහැ. විවිධ මිල පරාසයන්ගේ යට ඇඳුම් මේ වන විට වෙළෙඳපොලේ සුලබව දකින්නට ලැබෙනවා. ඒ අතරින් ඔබේ අයවැයට ගැළපෙන ඇඳුම් ඔබට තෝරාගත හැකියි.


  • ඇඳුමේ තත්වය (quality) පිලිබඳ සැලකිලිමත් වන්න.

ඇඳුම මැසීමට භාවිතා කර ඇති රෙදි හා වෙනත් අමුද්‍රව්‍ය පිලිබඳ මෙන්ම ඒවා නිසා ඔබේ ශරීරයට අපහසුවක් ඇතිවනවාද යන්න හා ඒවායේ කල් පැවැත්ම පිළිබඳවද සැලකිලිමත් වන්න.


  • සැමියාගේ රුචිකත්වයන් සැලකිල්ලට ගන්න.

අවසානයට සඳහන් කළත් වඩාත්ම වැදගත් වන්නේ මෙම කරුණයි. ඇඳුම් තෝරාගැනීමට ඔබ ඔහු කටුව යා යුතු නැහැ. එහෙත් ඔහු වඩාත් ප්‍රිය කරන පැහැයන් ආදී දෑ පිලිබඳ සිතා ඇඳුම් තෝරාගතහොත් මංගල රාත්‍රියේදී ඔහුව පුදුමයට පත්කිරීමට ඔබට හැකියාව ලැබේවි.

This is the one and only positive sex educational website in sri lanka and written in Sinhala language